ଏହି ସବୁ ରୋଗଥିଲେ ନେଇପାରିବେ କରୋନା ଟିକା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦ୍ୱିତୀୟ ପର୍ଯ୍ୟାୟ ଟିକାକରଣରେ ୬୦ ବର୍ଷରୁ ଊଦ୍ଧ୍ୱର୍ ଏବଂ ବିଭିନ୍ନ ରୋଗ ଥିବା ୪୫ ବର୍ଷରୁ ଊଦ୍ଧ୍ୱର୍ ଲୋକଙ୍କୁ କୋଭିଡ୍ ଟିକା ଦିଆଯିବ । କେଉଁ ସବୁ ରୋଗଥିଲେ ଟିକା ପାଇଁ ଅନୁମତି ମିଳିବ ତାହା ସ୍ଥିର ହୋଇଛିା ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ୨୦ ଟି ରୋଗର ତାଲିକା ପ୍ରକାଶ ପାଇଛି ।

ସେଗୁଡିକ ହେଲା ହୃଦଘାତ କାରଣରୁ ବର୍ଷେ ପୂର୍ବେ ହସ୍ପିଟାଲରେ ଭର୍ତ୍ତି ହୋଇଥିବେ, ହୃଦ୍ପିଣ୍ଡ କିମ୍ବା ବାମ ଭେଣ୍ଟ୍ରିକୁଲାର ଆସିଷ୍ଟ ଡିଭାଇସ୍ ପ୍ରତିରୋପଣ, ବାମ ଭେଣ୍ଟ୍ରିକୁଲାର ସଷ୍ଟୋଲିକ୍ ଡାଇଫଙ୍କ୍ଶନିଂ, ମଧ୍ୟମ କିମ୍ବା ଗୁରୁତର ଭାଲଭୁଲାର ହୃଦରୋଗ, ଗୁରୁତର ପିଏଏଚ୍ କିମ୍ବା ଇଡିଓପାଥିକ୍ ପିଏଏଚ୍ ସହ ଜନ୍ମରୁ ରହିଥିବା ହୃଦରୋଗ,କରୋନାରି ଆର୍ଟେରି ରୋଗ, ଆଞ୍ଜିନା ଏବଂ ରକ୍ତଚାପ, ମଧୁମେହ ଚିକିତ୍ସା, ସିଟି, ଏମଆରଆଇ ରିପୋର୍ଟ ଷ୍ଟ୍ରୋକ୍ ଏବଂ ଉଚ୍ଚ ରକ୍ତଚାପ, ମଧୁମେହ ଚିକିତ୍ସା, ପଲମୋନାରି ଆର୍ଟେରି ହାଇପରଟେନଶନ, ମଧୁମେହ ଚିକିତ୍ସା ୧୦ ବର୍ଷରୁ ଊଦ୍ଧ୍ୱର୍ କିମ୍ବା ଜଟିଳତା ଥିବା ମଧୁମେହ ଏବଂ ଉଚ୍ଚ ରକ୍ତଚାପ , କିଡନୀ, ଲିଭର, ହେମାଟୋପୋଏଟିକ ଷ୍ଟେମ୍ ସେଲ୍ ପ୍ରତିରୋପଣ, କିଡନୀ ରୋଗ ହେମୋଡାଇଲିସିସ୍, ସିଏପିଡି ଶେଷ ପର୍ଯ୍ୟାୟ, ଡିକମ୍ପେନସେଟେଡ୍ ସିରୋସିସ୍, ଶ୍ୱାସକ୍ରିୟା ଜନିତ ରୋଗରେ ଗତ ଦୁଇ ବର୍ଷ ହସ୍ପିଟାଲରେ ଭର୍ତ୍ତି ହୋଇଥିଲେ, ଲିମ୍ଫୋମା, ମ୍ୟେଲୋମା, ୨୦୨୦ ଜୁଲାଇ ୧ କିମ୍ବା ଏହାପରେ କ୍ୟାନ୍ସର ଚିହ୍ନଟ ହୋଇଥିଲେ କିମ୍ବା ଚିକିତ୍ସାରେ ଥିଲେ, ସିକିଲ ସେଲ କିମ୍ବା ବୋନ୍ ମାରୋ ଫେଲୋର, ଆପ୍ଲାଷ୍ଟିକ ଆନେମିଆ , ଥାଲାସେମିଆ, ପ୍ରାଥମିକ ଇମ୍ୟୁନୋଡେଫିସିଏନ୍ସି ରୋଗ କିମ୍ବା ଏଚଆଇଭି ସଂକ୍ରମଣ ଏବଂ ବୌଦ୍ଧିକ ଅସାମର୍ଥ୍ୟ କିମ୍ବା ମସ୍କୁଲାର ଡାଇଷ୍ଟ୍ରୋଫି କିମ୍ବା ଏସିଡ୍ ଆକ୍ରମଣ ଯୋଗୁ ରେସ୍ପିରେଟୋରି ସିଷ୍ଟମ କ୍ଷତି ଗ୍ରସ୍ତ ହୋଇଥିଲେ, ସହାୟତା ଆବଶ୍ୟକ କରୁଥୁବା ଭିନ୍ନକ୍ଷମ କିମ୍ବା ମୂକ- ଦୃଷ୍ଟିହୀନ ଆଦି ବିଭିନ୍ନ ଭିନ୍ନକ୍ଷମ ବ୍ୟକ୍ତିଙ୍କୁ କୋଭିଡ ଟିକା ଦିଆଯିବ।