୧୨ରୁ ୧୮ ବର୍ଗଙ୍କ ଟିକାକରଣ ଶୀଘ୍ର କରାଯାଉ: ମୁଖ୍ୟମନ୍ତ୍ରୀ
ଭୁବନେଶ୍ୱର (ବଡ଼ ଖବର ବ୍ୟୁରୋ): ସ୍ୱାସ୍ଥ୍ୟ ବିଶେଷଜ୍ଞ ସୂଚନା ଅନୁସାରେ, ମହାମାରୀ କରୋନାର ତୃତୀୟ ଲହର ଆସିବାର ଆଶଙ୍କା ରହିଛି । ପିଲାମାନଙ୍କ ଉପରେ ଏହାର ପ୍ରଭାବ ପଢିବ ବୋଲି ଅନୁମାନ କରାଯାଉଛି । ତେଣୁ ପ୍ରାଥମିକତା ଦେଇ ୧୨ ରୁ ୧୮ ବର୍ଷ ବର୍ଗଙ୍କ ପାଇଁ ଟିକାକରଣ ଯଥା ଶୀଘ୍ର କରାଯାଉ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅନ୍ୟ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଏକ ଭିଡିଓ କନଫରେନ୍ସି ଜରିଆରେ ମୁଖ୍ୟମନ୍ତ୍ରୀ ଏହି ପ୍ରସ୍ତାବ ଦେଇଛନ୍ତି ।
ଏହା ଫଳରେ ସମସ୍ତ ସ୍କୁଲ କଲେଜରେ ପାଠପଢା ପୁଣି ଆରମ୍ଭ ହୋଇପାରିବ । ମୁଖ୍ୟମନ୍ତ୍ରୀ ରାଜ୍ୟ ପାଇଁ ୯୫ ପ୍ରତିଶତ ଟିକା ଆବଣ୍ଟନ ମାଗିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି, ଟିକାକରଣରେ ଓଡ଼ିଶା ବହୁତ ଭଲ ପ୍ରଦର୍ଶନ କରୁଛି । ରାଜ୍ୟରେ ଘରୋଇ ଡାକ୍ତରଖାନାଗୁଡ଼ିକର ଉପସ୍ଥିତି କମ୍ ଥିବାରୁ ଟିକାକୁ ୨୫% କୋଟାରୁ ଉଠାଇବା କମ୍ ହୋଇଛି।
ଏହି ପ୍ରସଙ୍ଗରେ କେନ୍ଦ୍ର ସରକାରଙ୍କ ସହ ହୋଇଥିବା ଯୋଗାଯୋଗକୁ ଦୋହରାଇ ସେ କହିଛନ୍ତି, ରାଜ୍ୟ ସରକାରଙ୍କୁ ଆବଣ୍ଟନକୁ ୯୫% କୁ ବୃଦ୍ଧି କରିବା ଏବଂ ଘରୋଇ ଡାକ୍ତରଖାନାକୁ ଆବଣ୍ଟନକୁ ୫% କୁ ହ୍ରାସ କରିବାକୁ ଆମେ ଭାରତ ସରକାରଙ୍କୁ ଚିଠି ଲେଖିଛୁ। ରାଜ୍ୟରେ ଟିକାକରଣର ଗତି ବ ବଢାଇବାରେ ସାହାଯ୍ୟ କରିବ ବୋଲି ସେ କହିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି, “ମୁଁ ଅନୁରୋଧ କରିବାକୁ ଚାହୁଁଛି ଯେ ୧୨ରୁ୧୮ ବର୍ଗଙ୍କ ଟିକାକରଣ ଶୀଘ୍ର କରାଯାଉ।