ଆଜିଠୁ ଖୋଲିବ ସାବରିମାଲା ମନ୍ଦିର

(ବଡ଼ ଖବର ବ୍ୟୁରୋ): କରୋନା ମହାମାରୀ କାରଣରୁ ଅନେକ ମାସ ଧରି ବନ୍ଦ ରହିଥିଲା କେରଳର ପ୍ରସିଦ୍ଧ ସାବରିମାଲା ମନ୍ଦିର । କଟକଣା ଟିକେ କେହଳ ହେବାରୁ ଶନିବାରଠୁ ଖୋଲିବ ଏହି ମନ୍ଦିର । ତେବେ ୫ ଦିନ ପାଇଁ ଖୋଲିବ ସାବରିମାଲା ମନ୍ଦିର । କୋଭିଡ ପ୍ରୋଟକଲରେ କେବଳ ସୀମିତ ଭକ୍ତଙ୍କୁ ଅନୁମତି ।

ପୁଣି ଥରେ ମାସିକ ପୂଜା ପାଇଁ ଖୋଲିବାକୁ ନିଷ୍ପତ୍ତି ନିଆଯାଇଛି । ସୂଚନା ଅନୁସାରେ, ସାବରିମାଲା ପ୍ରଶାସନ କହିଛି ଯେ ଜୁଲାଇ ୧୭ ରୁ ୨୧ ତାରିଖ ପର୍ଯ୍ୟନ୍ତ ମାସିକ ପୂଜାପାଠ ପାଇଁ ମନ୍ଦିର ଖୋଲାଯିବ । ଏହି ସମୟରେ କେବଳ ୫୦୦୦ ଭକ୍ତଙ୍କୁ ପ୍ରବେଶ କରିବାକୁ ଅନୁମତି ଦିଆଯିବ । ତେବେ ଅନଲାଇନରେ ବୁକିଂ କରିଥିବା ଭକ୍ତଙ୍କୁ ପ୍ରବେଶ ପାଇଁ ଅନୁମତି ମିଳିବ । ପୂଜା ସମୟରେ କରୋନା ନିୟମ ପାଳନ କରିବା ବାଧ୍ୟତାମୂଳକ ହେବ ବୋଲି ପ୍ରଶାସନ କହିଛି । ଯାହା ଅଧୀନରେ ସମସ୍ତ ଭକ୍ତଙ୍କୁ ୪୮ ଘଣ୍ଟା ମଧ୍ୟରେ କରୋନାର ନେଗେଟିଭ ରିପୋର୍ଟ ଦେଖାଇବାକୁ ପଡ଼ିବ ।