ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତୋଷଖାନ୍ନା ଦୁର୍ନୀତି ମାମଲାା ଇମ୍ରାନ ଆଜି ଇସଲାମାବାଦର କୋର୍ଟରେ ହାଜର ହେବାକୁ ଯାଉଥିବାବେଳେ ଏହି ସମୟରେ ତାଙ୍କ କାଫିଲକୁ କୋର୍ଟ ଯିବା ପୂର୍ବରୁ ଇସଲାମାବାଦର ଟୋଲ ପ୍ଲାଜା ନିକଟରେ ଅଟକାଇ ଦିଆଯାଇଥିଲା। ଏହି ସମୟରେ ପୋଲିସ ଓ ପିଟିଆଇ କାର୍ଯ୍ୟକର୍ତ୍ତାଙ୍କ ମଧ୍ୟରେ ଗଣ୍ଡଗୋଳ ଦେଖିବାକୁ ମିଳିଛି । କେବଳ ସେତିକି ନୁହେଁ ଇମ୍ରାନଙ୍କ ଲାହୋର ସ୍ଥିତ ଘରେ ପୋଲିସ କବାଟ ଭାଙ୍ଗି ପଶିଛି । ଏହାସହ ବୁଲଡୋଜର ସହାୟତାରେ ତାଙ୍କ ଘର ଭାଙ୍ଗୁଥିବାର ଦେଖିବାକୁ ମିଳିଛି ।
ଇସଲାମାବାଦ ଯାଉଥିବା ବେଳେ ଇମ୍ରାନ ଖାନ ଏକ ଭିଡିଓ ବି ଜାରି କରିଥିଲେ। ଏହି ଭିଡିଓରେ ଇମ୍ରାନ କହୁଛନ୍ତି, ‘ମୁଁ ଇସଲାମାବାଦ ପହଞ୍ଚିବା ପରେ ସୋମନେ ମୋତେ ଗିରଫ କରିବେ। ମୋର ଗିରଫଦାରୀ ‘ଲଣ୍ଡନ ପ୍ଲାନ’ର ଅଂଶ। ନୱାଜ ସରିଫଙ୍କ କହିବାନୁସାରେ ମୋତେ ଗିରଫ କରାଯାଉଛି। ପଞ୍ଜାବ ପୁଲିସ ଜମାନ ପାର୍କସ୍ଥିତ ମୋର ଘରେ ଚଢ଼ାଉ କରିଛି। ସେଠାରେ ବୁସରା ବେଗମ ଏକା ଅଛନ୍ତି। ଏହା କେଉଁ ନିୟମ ଅନୁଯାୟୀ କରାଯାଉଛି?
