ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରତ୍ୟେକ ସରକାରୀ କାର୍ଯ୍ୟ ପାଇଁ ଆଧାର କାର୍ଡକୁ ବାଧ୍ୟତାମୂଳକ କରାଯାଇଛି । ଏହା ଅପ-ଟୁ-ଡେଟ ନହେଲେ ସରକାରୀ ସୁବିଧା ସୁଯୋଗ ହାତ ଛଡ଼ା ହେବାର ସମ୍ଭାବନା ରହିଛି । ଅନଲାଇନ ମାଧ୍ୟମରେ ଆଧାର କାର୍ଡ ଅପଡେଟ୍ ପାଇଁ ସୁବିଧା ରହିଛି । ଏହି ସୁବିଧାର ଫାଇଦା ଉଠାଇବା ପାଇଁ କେନ୍ଦ୍ର ଓ ରାଜ୍ୟ ସରକାର ପରାମର୍ଶ ଦେଇଛନ୍ତି । ୧୫ ମାର୍ଚ୍ଚରୁ ୧୪ ଜୁନ ମଧ୍ୟରେ ବିନା ଦେୟରେ ଅର୍ଥାତ ମାଗଣାରେ ଆଧାର କାର୍ଡ ଅପଡେଟ କରିହେବ । ଅଫଲାଇନରେ ଅପଡେଟ କଲେ ୫୦ ଟଙ୍କା ଦେବାକୁ ପଡିବ ବୋଲି ସରକାରୀ ଭାବେ କୁହାଯାଇଛି । ଜନସେବା କେନ୍ଦ୍ରରେ ଅନଲାଇନ ମାଧ୍ୟମରେ ଆଧାର କାର୍ଡ ଅପଡେଟ କରିବା ସବୁଠାରୁ ବୁଦ୍ଧିମତାର କାମ ।
