ମଧ୍ୟପ୍ରଦେଶର ୭ ଜିଲ୍ଲାରେ ସ୍କୁଲ ବନ୍ଦ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବଢୁଛି କରୋନା ସଂକ୍ରମଣ ସଂଖ୍ୟା । କରୋନା ସଂକ୍ରମଣକୁ ଦୃଷ୍ଟିରେ ରଖି ମଧ୍ୟପ୍ରଦେଶ ସରକାର ବଡ ନିଷ୍ପତ୍ତି ନେଇଛନ୍ତି । ରାଜ୍ୟର ୭ ଜିଲ୍ଲାରେ ଏପ୍ରିଲ ୧୫ ଯାଏଁ ସ୍କୁଲ ବନ୍ଦ ପାଇଁ ନିର୍ଦ୍ଦେଶ ଦେଇଛନ୍ତି । ସରକାରଙ୍କ ନିର୍ଦ୍ଦେଶ ଅନୁସାରେ, ଭୋପାଳ, ଇନ୍ଦୋର, ଜବଲପୁର, ବୈତୁଲ, ଛିନ୍ଦଓ୍ୱାଡା, ଖରଗୋନ୍ ଓ ରତଲାମରେ ଦ୍ୱାଦଶ ଶ୍ରେଣୀ ଯାଏଁ ସ୍କୁଲ ବନ୍ଦ ରହିବ।ଏପ୍ରିଲ ୧୫ ଯାଏଁ ଏସବୁକୁ ବନ୍ଦ ରଖାଯିବ ।
ଏହି ସମୟରେ ଅନଲାଇନ ପାଠପଢା ଚାଲିବ ବୋଲି କୁହାଯାଇଛି । ଗତ ୨୪ ଘଣ୍ଟାରେ ଦେଶରେ ୮୧ ହଜାରରୁ ଅଧିକ ପଜିଟିଭ ମାମଲା ଚିହ୍ନଟ ହୋଇଛି । କରୋନା ସଂକ୍ରମଣ ମାମଲା ବଢିବା କାରଣରୁ ରାଜ୍ୟ ଗୃହ ବିଭାଗ ପ୍ରଥମରୁ ଦ୍ୱାଦଶ ଶ୍ରେଣୀ ଯାଏଁ ସ୍କୁଲକୁ ଏପ୍ରିଲ ୧୫ ଯାଏଁ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ।