ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ଅନ୍ତିମ ତଥା ଶେଷ ପର୍ଯ୍ୟାୟ ନିର୍ବାଚନ । ଦେଶରେ ୧୩ଟି ଲୋକସଭା ଆସନରେ ଚାଲିଛି ମତଦାନ । ଆଜିର ସୂର୍ଯ୍ୟାସ୍ତ ପରେ ବଦଳିବ ନେତାଙ୍କ ଭାଗ୍ୟ । ଆଜିର ନିର୍ବାଚନ ସ୍ୱତନ୍ତ୍ର । କାରଣ ବିଜେପିର ବରିଷ୍ଠ ନେତା ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ ନିର୍ବାଚନମଣ୍ଡଳି ବାରାଣାସୀରେ ଚାଲିଛି ଭୋଟ ଗ୍ରହଣ । ତେବେ ବାରାଣାସୀର ସବୁଠାରୁ ବଡ ପ୍ରଶ୍ନ ହେଉଛି ପ୍ରଧାନମନ୍ତ୍ରୀଙ୍କ ବିଜୟ କେତେ ବଡ ହେବ।
ଗତ ନିର୍ବାଚନରେ ବାରାଣାସୀ, ମହାରାଜଗଞ୍ଜ, ଗୋରଖପୁର, କୁସିନାଗର, ଦେଓରିଆ, ବାନ୍ସଗାଓଁ, ସାଲେମପୁର, ବାଲିଆ ଏବଂ ଚାନ୍ଦୌଲିରେ ନାରଙ୍ଗି ପତାକା ଉତ୍ତୋଳନ କରାଯାଇଥିଲା। ଯେତେବେଳେ କି ର୍ମିଜାପୁର ଏବଂ ରୋବର୍ଟସଗଞ୍ଜରେ ବିଜେପିର ସହଯୋଗୀ ଆପ୍ନା ଦଳ-ଏସ ସଫଳ ହୋଇଥିଲା। ୨୦୧୪ରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏମପି ଭାବରେ ନିର୍ବାଚିତ ହୋଇଥିଲେ। ୨୦୧୯ ରେ, ସେ ପୁଣି ଏକ ବଡ ବିଜୟ କରି ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ହୋଇଥିଲେ।
