ବିଏମସିରେ ପଦବୀ ସଂଖ୍ୟା ବୃଦ୍ଧି

ଭୁବନେଶ୍ୱର(ବଡ଼ ଖବର ବ୍ୟୁରୋ): ବିଏମସିରେ ବଢିଲା ପଦବୀ ସଂଖ୍ୟା । ୩ଟି ଅତିରିକ୍ତ କମିଶନର ଓ ୬ଟି ଜୋନାଲ ପଦବୀ ସୃଷ୍ଟି କରାଯାଇଛି । ଭୁବନେଶ୍ୱର ମହାନଗର ନିଗମର ୪୧୬ଟି ନୂତନ ପଦବୀକୁ ମୁଖ୍ୟମନ୍ତ୍ରୀ ଅନୁମୋଦନ ଦେଇଛନ୍ତି ।

ଏହାଦ୍ୱାରା ନିଗମ ଅଧିକ ଦକ୍ଷ ଓ କ୍ରିୟାଶୀଳ ହୋଇପାରିବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି । ପୂର୍ବରୁ ବିଏମସିର ୨୧୦ଟି ପଦବୀ ଅନୁମୋଦିତ ଥିବାବେଳେ ଏବେ ୪୧୬ଟି ପଦବୀ ସୃଷ୍ଟି ହେବା ଦ୍ୱାରା ପଦବୀ ସଂଖ୍ୟା ମୋଟ ୬୨୬କୁ ବୃଦ୍ଧି ପାଇଛି ।