୨୧ରେ ପୁଣି ଭାରତ ପାକିସ୍ତାନ ମୁକାବିଲା
ମୁମ୍ବାଇ (ବଡ଼ ଖବର ବ୍ୟୁରୋ): ମୁମ୍ବାଇ(ବଡ଼ ଖବର ବ୍ୟୁରୋ): ସେପ୍ଟେମ୍ବର ୨୧ରେ ପୁଣି ଭାରତ ପାକିସ୍ତାନ ମୁକାବିଲା । ଏସିଆ କପ୍ରେ ପୁଣି ମୁହାଁମୁହିଁ ହେବେ ଭାରତ-ପାକିସ୍ତାନ । ଆସନ୍ତା ୨୧ରେ ପରସ୍ପରକୁ ଭେଟିବେ ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବ । ୟୁଏଇକୁ ୪୧ ରନ୍ରେ ହରାଇବା ପରେ ଗ୍ରୁପ୍-୪ରେ ପାକିସ୍ତାନ । ପୂର୍ବରୁ ଗ୍ରୁପ୍-୪ରେ ପ୍ରବେଶ କରି ସାରିଥିବା ଭାରତକୁ ଭେଟିବ ପାକିସ୍ତାନ । ଟୁର୍ଣ୍ଣାମେଣ୍ଟର ଲିଗ୍ ମ୍ୟାଚରେ ଭାରତ ଠାରୁ ହାରିଛି ପାକିସ୍ତାନ ।
ରବିବାର ଦିନ ଏହି ଟୁର୍ଣ୍ଣାମେଣ୍ଟରେ ଭାରତ ଏବଂ ପାକିସ୍ତାନ ଏକ ଗ୍ରୁପ୍ ପର୍ୟ୍ୟାୟ ମ୍ୟାଚ୍ ଖେଳିଥିଲେ । ଟିମ୍ ଇଣ୍ଡିଆ ଏହି ମ୍ୟାଚ୍କୁ ୭ ୱିକେଟ୍ରେ ଜିତିଥିଲା । କିନ୍ତୁ, ଭାରତୀୟ ଖେଳାଳିମାନେ ପାକିସ୍ତାନୀ ଖେଳାଳିଙ୍କ ସହ ହାତ ମିଳାଇବାକୁ ମନା କରିବାରୁ ମ୍ୟାଚ୍ଟି ବିବାଦୀୟ ହୋଇଗଲା । ପାକିସ୍ତାନ ଏଥିରେ ଆପତ୍ତି ଉଠାଇଲା । ପିସିବି ଆଇସିସିକୁ ମ୍ୟାଚ୍ର ରେଫରି ଆଣ୍ଡି ପାଇକ୍ରଫ୍ଟଙ୍କୁ ଟୁର୍ଣ୍ଣାମେଣ୍ଟରୁ ହଟାଇବା ପାଇଁ ଦାବି କରିଥିଲା । କିନ୍ତୁ ICC ଏପରି କରିବାକୁ ମନା କରିଦେଲା।