ଗୁଜୁରାଟ (ବଡ଼ ଖବର ବ୍ୟୁରୋ): ଲଗାତାର ଦ୍ୱିତୀୟ ଥର ପାଇଁ ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲରେ ପ୍ରବେଶ କରିଛି ଭାରତ। ଗତ ଥର ଅର୍ଥାତ ୨୦୨୧ରେ ଫାଇନାଲକରେ ନ୍ୟୁଜିଲ୍ୟାଣ୍ଡ ବିପକ୍ଷରେ ପରାସ୍ତ ହୋଇଥିଲେ ଭାରତ । କିନ୍ତୁ ଚଳିତ ଥର ଭାରତକୁ ଫାଇନାଲରେ ପହଞ୍ଚାଇବା ପାଇଁ ସାହଯ୍ୟ କରିଛି ନ୍ୟୁଜିଲ୍ୟାଣ୍ଡ । ଖ୍ରୀଷ୍ଟଚର୍ଚରେ ଚାଲିଥିବା ଶ୍ରୀଲଙ୍କା- ନ୍ୟୁଜିଲ୍ୟାଣ୍ଡ ଟେଷ୍ଟ ସିରିଜର ପ୍ରଥମ ମ୍ୟାଚରେ ଶ୍ରୀଲଙ୍କାକୁ ପରାସ୍ତ କରିଛି ନ୍ୟୁଜଲାଣ୍ଡ । ଯାହା ଫଳରେ ସିଧାସଳଖ ଫାଇନାଲରେ ପ୍ରବେଶ କରିଛି ଭାରତୀୟ ଟେଷ୍ଟ ଦଳ ।
ତେଣୁ ବର୍ତ୍ତମାନ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଚତୁର୍ଥ ଟେଷ୍ଟ ମ୍ୟାଚର ଫଳାଫଳ ବିଶ୍ୱ ଟେଷ୍ଟ ଚାମ୍ପିଅନସିପର ସମୀକରଣ ଉପରେ କୌଣସି ପ୍ରଭାବ ପକାଇବ ନାହିଁ। । ତେବ ଏଥର ଟେଷ୍ଟ ଚାମ୍ପିଅନସିପ ଫାଇନାଲରେ ଭାରତ ଓ ଅଷ୍ଟ୍ରେଲିଆର ଟକ୍କର ହେବ । ବର୍ତ୍ତମାନ ଦୁଇ ଦଳ ମଧ୍ୟରେ ବର୍ଡର ଗାଭାସ୍କର ଟ୍ରଫି ଚାଲିଛି । ଯେଉଁଥିରେ ଭାରତ ୨-୧ରେ ଆଗରେ ରହିଛି। ତେବେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲ ଜୁନ ୭ ରୁ ୧୧ ପର୍ୟ୍ୟନ୍ତ ଇଂଲଣ୍ଡର ଓଭାଲ ଷ୍ଟାଡିୟମରେ ଖେଳାଯିବ।
