ଆଜିଠୁ ଭାରତ-ଇଂଲଣ୍ଡ ଟେଷ୍ଟ ସିରିଜ

(ବଡ଼ ଖବର ବ୍ୟୁରୋ): ବୁଧବାରଠୁ ଆରମ୍ଭ ହେବ ଭାରତ-ଇଂଲଣ୍ଡ ଟେଷ୍ଟ ସିରିଜ । ତେବେ ଭାରତୀୟ କ୍ରୀଡ଼ାପ୍ରେମୀମାନଙ୍କ ନଜର ଏବେ ଟୋକିଓ ଅଲିମ୍ପିକ୍ସ ଉପରେ ରହିଛି। କିନ୍ତୁ ବୁଧବାରଠାରୁ କ୍ରିକେଟ ପ୍ରେମୀମାନେ ଭାରତ-ଇଂଲଣ୍ଡ ଟେଷ୍ଟ ସିରିଜ ଆଡକୁ ମନ ଦେବେ । ଟେଷ୍ଟ୍ ସିରିଜ ପୂର୍ବରୁ ୨ଦଳ ଜୋରଦାର ଅଭ୍ୟାସ ଚଳାଇଛନ୍ତି ।

ଅଭ୍ୟାସ ପୂର୍ବରୁ ଡରହାମରେ ୨ ସପ୍ତାହ ଥିବା ଟିମ୍ ଇଣ୍ଡିଆ ନଟିଂହାମରେ ପହଞ୍ଚି ପ୍ରସ୍ତୁତି ଆରମ୍ଭ କରିଦେଲେଣି । ଶନିବାରଠୁ ଟିମ୍ ଇଣ୍ଡିଆ ପଡିଆରେ ଅଭ୍ୟାସ କରୁଛି । ଦଳର ଖେଳାଳି ଉଭୟ ବ୍ୟାଟିଂ ଓ ବୋଲିଂ ଉପରେ ଫୋକସ କରୁଛନ୍ତି। ପ୍ରଥମ ଟେଷ୍ଟରେ ରୋହିତ ଶର୍ମା ଓପନିଂ କରିବା ପାଇଁ ଦଳ ସ୍ଥିର କରିଥିବା ବେଳେ ହିଟମ୍ୟାନଙ୍କ ବ୍ୟାଟିଂ ଉପରେ କୋଚ୍ ରବି ଶାସ୍ତ୍ରୀ ନିରନ୍ତର ଭାବେ ନଜର ରଖିଛନ୍ତି ।