ମୁମ୍ବାଇ (ବଡ଼ ଖବର ବ୍ୟୁରୋ): ଭାରତ ଓ ଶ୍ରୀଲଙ୍କା ମଧ୍ୟରେ ହେବାକୁ ଥିବା ସୀମିତ ଓଭର୍ ଶୃଙ୍ଖଳା ଦ୍ୱୟର ନୂଆ ତାରିଖ ଚୂଡ଼ାନ୍ତ ହୋଇଛି । ଏବେ ଏହି ଶୃଙ୍ଖଳା ଜୁଲାଇ ୧୮ ରୁ ୨୯ ମଧ୍ୟରେ ଖେଳାଯିବ । ପୂର୍ବରୁ ଏହା ଜୁଲାଇ ୧୩ ରୁ ୨୫ ଯାଏ ଖେଳାଯିବାର କାର୍ଯ୍ୟକ୍ରମ ଥିଲା ।

ଶ୍ରୀଲଙ୍କା ଟିମର ବ୍ୟାଟିଂ କୋଚ୍ ଗ୍ରାଣ୍ଟ ଫ୍ଲାୱାର ଓ ଡାଟା ଆନାଲିଷ୍ଟ ଜିଟି ନିରୋଶାନ୍ କରୋନା ପଜିଟିଭ ଚିହ୍ନଟ ହେବା ପରେ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ ଓ କ୍ରିକେଟ୍ ଶ୍ରୀଲଙ୍କା ଏହାକୁ କିଛି ଦିନ ସ୍ଥଗିତ ରଖିବାକୁ ନିଷ୍ପତ୍ତି ନେଇଥିଲେ । ବିସିସିଆଇ ଶନିବାର ଏହାର ବିଧିବନ୍ଧ ଘୋଷଣା କରିଥିଲେ । ସୂଚନା ଅନୁସାରେ, ଜୁଲାଇ ୧୮ରେ ପ୍ରଥମ, ୨୦ରେ ଦ୍ୱିତୀୟ ଓ ୨୩ ରେ ତୃତୀୟ ତଥା ଶେଷ ଦିନିକିଆ ମ୍ୟାଚ୍ ଖେଳାଯିବ । ଏହାପରେ ଟି-୨୦ ଶୃଙ୍ଖଳା ଜୁଲାଇ ୨୫,୨୭ ଓ ୨୯ ରେ ଅନୁଷ୍ଠିତ ହେବ ।

Leave a Reply

Your email address will not be published. Required fields are marked *