ଆସନ୍ତା ୩ଦିନ ଯାଏଁ ଘନ କୁହୁଡ଼ି
ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଜାରି ରହିଛି ଶୀତର ପ୍ରକୋପ । ଆସନ୍ତା ୭ ତାରିଖ ସକାଳ ପର୍ଯ୍ୟନ୍ତ ଆଭ୍ୟନ୍ତରୀଣ ଓ ଉପକୂଳ ଓଡ଼ିଶାରେ ଘନ କୁହୁଡ଼ି ଆଶଙ୍କା ରହିଛି । କେତକ ସ୍ଥାନରେ ୫୦ମିଟର ପରେ ଆଉ କିଛି ଦେଖାଯାଉ ନାହିଁ । ଯାନବାହାନ ଚାଳକମାନଙ୍କୁ ଅଧିକ ସର୍ତକ ରହିବାକୁ ପରାମର୍ଶ ଦେଇଛି ପାଣିପାଗ ବିଭାଗ । ପାଣିପାଗ ବିଭାଗର ସୂଚନା ଅନୁଯାୟୀ ଶନିବାର ଆଭ୍ୟନ୍ତରୀଣ ଓଡ଼ିଶାରେ ମଧ୍ୟମ ଧରଣର କୁହୁଡ଼ି ସମ୍ଭାବନା ରହିଛି । ବୌଦ୍ଧ, ସୁନ୍ଦରଗଡ଼, ଅନୁଗୁଳ, କନ୍ଧମାଳ ଜିଲ୍ଲାରେ ଘନ କୁହୁଡ଼ି ହୋଇପାରେ । ଯାହାକି ଚାଳକଙ୍କୁ ସମସ୍ୟା ସୃଷ୍ଟି କରିପାରେ । ୫ ତାରିଖ ବିଳମ୍ବିତ ରାତିରେ ଓ ୬ ତାରିଖ ଭୋର ସମୟରେ ଉତ୍ତର ଉପକୂଳ ସହ ଅନୁଗୁଳ, କଳାହାଣ୍ଡି, ମୟୁରଭଞ୍ଜ, ଖୋର୍ଦ୍ଧା, ଢେଙ୍କାନାଳ ଜିଲ୍ଲାରେ ମଧ୍ୟମ ଧରଣର କୁହୁଡ଼ି ହୋଇପାରେ ।