https://youtu.be/WctjoyS1EDc
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମହିଳାଙ୍କ ପାଇଁ ବଜେଟ୍ ଘୋଷଣା କଲେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ଦେଶର ମହିଳାମାନଙ୍କ ପାଇଁ ଅନେକ ଯୋଜନା ଚାଲିଛି ଯାହା ସେମାନଙ୍କର ଆର୍ଥିକ ଏବଂ ସାମାଜିକ ବିକାଶ ଦିଗରେ ଆଗେଇ ଆସୁଛି । ଲକ୍ଷପତି ଦିଦି ଯୋଜନା ଅଧୀନରେ ଦେଶରେ ୧ କୋଟି ମହିଳା ଲକ୍ଷପତି ଦିଦି ହୋଇସାରିଲେଣି । ୮୩ ଲକ୍ଷ ଏସ୍ଏଚ୍ଜିରେ ଏବେ ୯କୋଟି ମହିଳା ସାମିଲ ଅଛନ୍ତି ।
ଅଙ୍ଗନଓ୍ବାଡି ସେଣ୍ଟରକୁ ଅପଗ୍ରେଡ କରାଯିବ। ଆଶାକର୍ମୀ, ଅଙ୍ଗନଓ୍ବାଡିକର୍ମୀ ଓ ସହକର୍ମୀଙ୍କୁ ଆୟୁଷ୍ମାନ ଯୋଜନାରେ ଲାଭ ମିଳିବ। ସେମାନଙ୍କୁ ଆୟୁଷ୍ମାନ ଭାରତରେ ସାମିଲ୍ କରାଯିବ। ସର୍ଭାଇକାଲ କ୍ୟାନସରକୁ ପ୍ରତିରୋଧ ପାଇଁ ଟୀକାକରଣ ବୃଦ୍ଧି କରାଯିବ। ସବୁ ଅଞ୍ଚଳରେ ନାନୋ ଡିଏପି ବ୍ୟବହାର କରାଯିବ। ୯ ରୁ ୧୪ ବର୍ଷ ବୟସର ବାଳିକାମାନଙ୍କୁ ଗର୍ଭାଶୟ କର୍କଟ ଟିକା ଦିଆଯିବ ଯାହା ଦ୍ୱାରା କର୍କଟ ରୋଗକୁ ରୋକାଯାଇପାରିବ।
