କେକେଆରର ସଂଘର୍ଷପୂର୍ଣ୍ଣ ବିଜୟ
ଚେନ୍ନାଇ (ବଡ଼ ଖବର ବ୍ୟୁରୋ): ଆଇପିଏଲର ରୋମାଞ୍ଚକର ମ୍ୟାଚରେ ହାଇଦ୍ରାବାଦକୁ ହରାଇଲା କେକେଆର । ପ୍ରଥମେ ବ୍ୟାଟିଂ କରି କେକେଆର ୭ ଉଇକେଟରେ ୨୦୮ ରନ୍ କରିଥିଲା। ଜବାବରେ ସନରାଇଜର୍ସ ୭ ଉଇକେଟରେ ୨୦୪ ରନ୍ କରିଥିଲା। ଅନ୍ତିମ ୪ ଓଭରରେ ୭୬ ରନ୍ ଆବଶ୍ୟକ ଥିବା ବେଳେ ହେନରିଚ୍ କ୍ଲାସେନ୍ ଧୂଆଁଧାର ୬୩ ରନ୍ କରିଥିଲେ। ତେବେ ଶେଷ ଓଭରରେ ହର୍ଷିତ ରାଣାଙ୍କ ଚମତ୍କାର ବୋଲିଂ ବଳରେ କେକେଆର ବିଜୟୀ ହୋଇଥିଲା।
ପ୍ରଥମେ ବ୍ୟାଟିଂ କରିଥିବା କେକେଆର ୫୧ ରନ୍ରେ ୪ ଟପ୍ ଅର୍ଡର ଖେଳାଳିଙ୍କୁ ହରାଇଥିଲା। ତେବେ ଆନ୍ଦ୍ରେ ରସେଲଙ୍କ ୬୪ଞ୍ଚ, ଫିଲ୍ ସଲ୍ଟଙ୍କ ୫୪ ଓ ରମଣଦୀପ ସିଂଙ୍କ ୩୫ ରନ୍ ବଳରେ କେକେଆର ୨୦୮ ରନ୍ରେ ପହଞ୍ଚିଥିଲା। ଆନ୍ଦ୍ରେ ରସେଲ୍ ମାତ୍ର ୨୫ ବଲ ଖେଳି ସେ ୩ ଚୌକା ଓ ୭ ଛକା ମାରିଥିଲେ। ସନରାଇଜର୍ସ ପକ୍ଷରୁ ଦୁଇ ଓପନର ମୟଙ୍କ ଅଗ୍ରଓ୍ବାଲ ଓ ଅଭିଷେକ ଶର୍ମା ୩୨ରନ୍ ଲେଖାଏ କରିଥିଲେ।
ହ୍ରାଇଦ୍ରାବାଦ ଆରମ୍ଭରୁ ଭଲ ବ୍ୟାଟିଂ କରିଥିଲା । କିନ୍ତୁ ଦଳ ପକ୍ଷରୁ ସେପରି କେହି ବଡ ଇନିସ ଖେଳିପାରିନଥିଲେ । ହେନରିଜ କ୍ଲାସେଁ ଗୋଟିଏ ପଟେ ଠିଆ ହୋଇ ହ୍ରାଇଦ୍ରାବାଦକୁ ବିଜୟର ଦ୍ୱାରକୁ ନେଇଯାଇଥିଲେ । କିନ୍ତୁ ଶେଷ ଓଭରରେ ହର୍ଷିତ ରଣା ଜବରଦସ୍ତ ବୋଲିଂ କରି ଦୁଇଟି ୱିକେଟ ନେବା ସହ ଦଳକୁ ବିଜୟୀ କରାଯାଇଥିଲେ ।