କଂଗ୍ରେସ ସ୍ୱପ୍ନ ଦେଖାଉଥିଲା, ବିଜେପି ସ୍ୱପ୍ନକୁ ସାକାର କରିଛି: ନିର୍ମଳା ସୀତାରମଣ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅନାସ୍ଥା ବିତର୍କର ତୃତୀୟ ଦିନ । ବିବୃତି ରଖୁଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ମୋଦି ସରକାରଙ୍କ ବିରୋଧରେ ଆଣିଥିବା ବିରୋଧୀଙ୍କ ଅନାସ୍ଥା ପ୍ରସ୍ତାବ ଉପରେ କଂଗ୍ରେସ ସମେତ ବିରୋଧୀ ଦଳର ନେତାଙ୍କୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି, କଂଗ୍ରେସ ସ୍ୱପ୍ନ ଦେଖାଉଥିଲା ଆଉ ବିଜେପି ଏହି ସ୍ୱପ୍ନକୁ ସାକାର କରିଛି । ଏହା ହେଉଛି ବିଜେପି ଏବଂ କଂଗ୍ରେସ ମଧ୍ୟରେ ପାର୍ଥକ୍ୟ । ନିର୍ମଳା ସୀତାରମଣ କହିଛନ୍ତି, ‘୨୦୧୩ ରେ ମୋର୍ଗାନ ଷ୍ଟାନଲି ଭାରତକୁ ପାଞ୍ଚଟି ଦୁର୍ବଳ ଅର୍ଥନୀତି ତାଲିକାରେ ଅନ୍ତର୍ଭୁକ୍ତ କରିଥିଲେ ।

ଭାରତକୁ ଏକ ଦୁର୍ବଳ ଅର୍ଥନୀତି ଘୋଷଣା କରାଯାଇଥିଲା। ଆଜି ମୋର୍ଗାନ ଷ୍ଟାନଲି ଉଚ୍ଚ ରେଟିଂକୁ ଉଚ୍ଚ କରି ଭାରତର ଉନ୍ନୀତ କରିଛନ୍ତି । ବିଜେପି ସରକାରଙ୍କ ନୀତି ଯୋଗୁଁ ମାତ୍ର ୯ ବର୍ଷ ମଧ୍ୟରେ ଅର୍ଥନୀତି ଉନ୍ନତ ହୋଇଥିଲା ଏବଂ କୋଭିଡ ପରେ ବି ଅର୍ଥନୀତିରେ ଅଭିବୃଦ୍ଧି ଘଟିଥିଲା । ଆଜି ଭାରତ ହେଉଛି ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି।