ଅମରିନ୍ଦର ସିଂହଙ୍କ ପାକିସ୍ତାନ ସହ ଲିଙ୍କ ଅଛି କି ?
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପଞ୍ଜାବରେ ଦଳୀୟ ଗୋଷ୍ଠୀ କନ୍ଦଳ ଥମିବାରେ ନାଁ ନେଉନି । କ୍ୟାପଟେନ ଅମରିନ୍ଦର ସିଂହଙ୍କ ଠାରୁ ଆରମ୍ଭ ହୋଇଥିବା କନ୍ଦଳ କେବେ ଶେଷ ହେବ ତାହା ମଧ୍ୟ ସ୍ପଷ୍ଟ ହୋଇ ପାରୁ ନାହିଁ । କାହିିଁକିନା ପଞ୍ଜାବର ଡେପୁଟି ସିଏମ ସୁଖଜିନ୍ଦର ସିଂହ ରାନ୍ଧୱା ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହଙ୍କ ପାକିସ୍ତାନର ମହିଳା ବନ୍ଧୁ ତଥା ପାକିସ୍ତାନ ଗୁପ୍ତଚର ଏଜେନ୍ସି ଆଇଏସଆଇର ସମ୍ପର୍କ ଯାଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତି । କେବଳ ଏତିକି ନୁହେଁ ବରଂ କ୍ୟାପଟେନ ଅମରିନ୍ଦର ସିଂହଙ୍କୁ ବାରମ୍ବାର ଚେତାବନୀ ଦେବା ସତ୍ତେ୍ୱ ତାଙ୍କର ପାକିସ୍ତାନୀ ମହିଳା ବନ୍ଧୁ ସରକାରୀ କୋଠାରେ ରହିଥିଲେ ।
ଏପରିକି କ୍ୟାପଟେନ କିପରି ଜାଣିଲେ ପଞ୍ଜାବ ଉପରେ ଆଇଏସଆଇର ନଜର ରହିଛି ବୋଲି ରାନ୍ଧୱା ପ୍ରଶ୍ନ କରିଛନ୍ତି । ଏହା ଅର୍ଥ ହେଉଛି କେହି କ୍ୟାପଟେନଙ୍କୁ କିଛି ସୂଚନା ଦେଉଥିଲେ । ତେଣୁ ଏହାକୁ ଅତି ନିକଟରୁ ଅନୁସନ୍ଧାନ କରିବାକୁ ଡିଜିପି ଇକବାଲପ୍ରୀତ ସିଂହ ସାହୋଟାଙ୍କୁ ରାଣ୍ଡୱା ନିର୍ଦ୍ଦେଶ ଦେଇଛନ୍ତି । ସେପଟେ ଇଡି ମାମଲାର ସମ୍ମୁଖୀନ ହେବା ପରେ ଏବଂ ପାକିସ୍ତାନୀ ନାଗରିକଙ୍କୁ ଆଶ୍ରୟ ଦେବା ପରେ କ୍ୟାପଟେନ ଅମରିନ୍ଦର ସିଂହ ବିଜେପି ସହ ହାତ ମିଳାଇଛନ୍ତି ।