ହାଇୱା ଧକ୍କାରେ ଯୁବକଙ୍କ ମୃତ୍ୟୁ, ଉତ୍ତ୍ୟକ୍ତ ଲୋକଙ୍କ ରାସ୍ତା ରୋକ

ଜଗତସିଂହପୁର (ବଡ଼ ଖବର ବ୍ୟୁରୋ): ହାଇୱା ଧକ୍କା ରେ ୨୨ ବର୍ଷୀୟ ଯୁବକଙ୍କ ମୃତ୍ୟୁ । ଏଭଳି ଦୃଶ୍ୟ ଦେଖିବାକୁ ମିଳିଛି ଜଗତସିଂହପୁର ସଦର ଥାନା ଅଧିନସ୍ଥ ହାଟପୋଲ ନିକଟରେ । ମୃତକ ହେଲେ ବାବୁଲା ଗାୟନ । ଉତ୍ତ୍ୟକ୍ତ ହୋଇ ନିଆଁ ଜାଳି ରାସ୍ତା ରୋକ କଲେ ସ୍ଥାନୀୟ ଲୋକେ । ସୂଚନା ମୁତାବକ ହାଟବଜାର ବଙ୍ଗାଳି ସାହିର ବାବୁଲା ଗାୟନ ନାମକ ଜଣେ ୨୨ବର୍ଷୀୟ ଯୁବକ ଉପରେ ହାଇୱା ସମ୍ପୂର୍ଣ ରୂପେ ଚଢି ଯିବାରୁ ଘଟଣାସ୍ଥଳରେ ଉକ୍ତ ଯୁବକର ମୃତ୍ୟୁ ଘଟିଛି । ମୃତ୍ୟୁ ପରେ ଉତ୍ୟକ୍ତ ଲୋକ ମାନେ ନିଆଁ ଜାଳି ରାସ୍ତାରୋକ କରିଛନ୍ତି । ଜଗତସିଂହପୁର ପୋଲିସ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଥିବାର ଦେଖା ଯାଇଛି । କିନ୍ତୁ ଅନ୍ୟପଟେ ଦୁର୍ଘଟଣା ଘଟାଇ ଥିବା ଉକ୍ତ ହାଇୱା ଗାଡିଟି ସେଠାରୁ ଦ୍ରୁତ ଗତିରେ ପଳାଇଥିବା ସୂଚନା ମିଳିଛି ।