ଜେଲ୍ ଗଲେ କୋଟିପତି ରେଞ୍ଜର

ବଲାଙ୍ଗିର (ବଡ଼ ଖବର ବ୍ୟୁରୋ): ଭିଜିଲାନ୍ସ ପଞ୍ଝାରେ ପୁଣି ଜଣେ କୋଟିପତି ବନ ଅଧିକାରୀ। ଆୟବର୍ହିଭୂତ ସମ୍ପତି ଠୁଳ ଅଭିଯୋଗରେ ଗିରଫ ହୋଇ ଜେଲ୍ ଯାଇଛନ୍ତି ବଲାଙ୍ଗିର ଜିଲ୍ଲା ମୁରିବାହାଲ ରେଞ୍ଜର ପ୍ରଶାନ୍ତ କୁମାର ନାୟକ। ଭିଜିଲାନ୍ସ ଚଢ଼ାଉ ବେଳେ ଠାବ ହୋଇଥିବା ୧ କୋଟି ୮୬ ଲକ୍ଷ ଟଙ୍କା ମଧ୍ୟରୁ କେବଳ ୧ କୋଟି ୩୯ ଲକ୍ଷ ଟଙ୍କା ନେଇ ତଥ୍ୟ ଦେଇଥିଲେ ରେଞ୍ଜର ପ୍ରଶାନ୍ତ କୁମାର ନାୟକ। ହେଲେ ଅତିରିକ୍ତ ୪୭ ଲକ୍ଷ ଟଙ୍କା କେଉଁ ଆଧାରରେ ଠୁଳ କରିଛନ୍ତି ତାର ସନ୍ତୋଷଜନକ ହିସାବ ଦେଇ ପାରିନଥିଲେ ପ୍ରଶାନ୍ତ।

ତେଣୁ ତାଙ୍କ ବିରୋଧରେ ଆୟବର୍ହିଭୂତ ଠୁଳ ଅଭିଯୋଗରେ ସମ୍ବଲପୁର ଭିଜିଲାନ୍ସ ବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇଥିଲା । ବର୍ତ୍ତମାନ ପ୍ରଶାନ୍ତ କୁମାର ନାୟକଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ତାଙ୍କ ଜାମିନ ଖାରଜ ହେବାରୁ ଜେଲ୍ ପଠେଇ ଦିଆଯାଇଥିବା କହିଛନ୍ତି ବଲାଙ୍ଗିର ଭିଜିଲାନ୍ସ ଅଧିକାରୀ ସଦାନନ୍ଦ ପାଣି।