ଯାଜପୁର ଜିଲ୍ଲାକୁ ମରୁଡ଼ି ଘୋଷଣା ଦାବି

ଯାଜପୁର (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲାର ୨୨୦୦ ହେକ୍ଟର ଚାଷ ଜମିକୁ ମରୁଡି ଅଂଚଳ ଘୋଷଣା କରିବାକୁ କିଶନ କଂଗ୍ରେସ ସେଲର ଦାବି । ଯାଜପୁର ଜିଲ୍ଲାରେ ନିଅଣ୍ଟିଆ ବର୍ଷା ଯୋଗୁଁ ମରୁଡି ଆଶଙ୍କା ଦେଖାଦେଇଛି । ଚାଷୀ ମୁଣ୍ଡରେ ହାତ ଦେଇ ବସିଛି । ଜିଲ୍ଲାର ୨୨୦୦ହେକ୍ଟର ଜମିକୁ ମରୁଡି ଅଂଚଳ ଘୋଷଣା କରିବାକୁ ଦାବି କରିଛି କିଷାନ କଂଗ୍ରେସ ସେଲ । ସେଲର ସଭାପତି ଅମୀୟ ପଟ୍ଟନାୟକଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଯାଜପୁର ଗସ୍ତରେ ଆସି ଧର୍ମଶାଳ କୋରେଇ ଯାଜପୁର ଓ ବରୀ ଗସ୍ତ କରି ମରୁଡି ପ୍ରପିଡିତ ଅଂଚଳ ବୁଲି ଦେଖିଥିଲେ ।

ଏହା ପରେ ଯାଜପୁର ଜିଲ୍ଲା କଂଗ୍ରେସ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନିୀରେ ତୁରନ୍ତ ଅଚଳ ଉଠା ଜଳସେଚନକୁ ଚାଲୁ କରିବା, ପ୍ରଧାନ ମନ୍ତ୍ରୀ ଫସଲ ବୀମା ଯୋଜନାରୁ କ୍ଷତିପୁରଣ ଦେବା, କୃଷିଋଣ ଛାଡ କରିବା, ଇନପୁଟ ସବସିଡ ତୁରନ୍ତ ସରକାର ଯୋଗାଇ ନଦେଲେ ଆଗାମୀ ଦିନରେ କଂଗ୍ରେସ ଜିଲ୍ଲା ବ୍ୟାପି ଆନ୍ଦୋଳନ କରିବ ବୋଲି କହିଛନ୍ତି ରାଜ୍ୟ କିଷାନ କଂଗ୍ରେସ ସେଲ ସଭାପତି ।