ଜେଇଇ ମେନ ଫଳାଫଳ ପ୍ରକାଶିତ, ଦେବାଶିଷ ପଣ୍ଡା ଓଡ଼ିଶା ଟପ୍ପର
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ପ୍ରକାଶ ପାଇଲା ଜେଇଇ ମେନ ରେଜଲ୍ଟ । ପରୀକ୍ଷା ଫଳ ପ୍ରକାଶ କରିଛି ଏନ୍ଟିଏ । ୯୯ ପ୍ରତିଶତ ନମ୍ବର ରଖି ଦେବାଶିଷ ପଣ୍ଡା ହୋଇଛନ୍ତି ଓଡିଶା ଟପ୍ପର । ମାତ୍ର ୬ଦିନ ମଧ୍ୟରେ ପ୍ରକାଶ ପାଇଛି ପରୀକ୍ଷା ଫଳ । ୩୩୪ଟି ସହରର ୭୯୨ଟି କେନ୍ଦ୍ରରେ ହୋଇଥିଲା ଏହି ପରୀକ୍ଷା । ଏହାଛଡ଼ା, ତେଲେଙ୍ଗାନା, ପଶ୍ଚିମବଙ୍ଗ, ଦିଲ୍ଲୀ, ବିହାର, ରାଜସ୍ଥାନ, ତାମିଲ୍ନାଡୁ ଓ ମହାରାଷ୍ଟ୍ରର ୧୩ଜଣ ପରୀକ୍ଷାର୍ଥୀ ୧୦୦% ନମ୍ବର ରଖିଥିବା ଫଳାଫଳ ତାଲିକାରେ ଉଲ୍ଲେଖ କରାଯାଇଛି।
୨୦୨୧ ମାର୍ଚ ୧୬ରୁ ୧୮ ପର୍ୟ୍ୟନ୍ତ ’ବି.ଇ./ବି.ଟେକ୍’ ପାଇଁ ହୋଇଥିବା ’ଜେଇଇ (ମେନ୍) ପରୀକ୍ଷାର ପରିଚାଳନା କରିଥିଲା ’ନ୍ୟାସ୍ନାଲ୍ ଟେଷ୍ଟିଙ୍ଗ୍ ଏଜେନ୍ସି’ (ଏନ୍ଟିଏ)। ବିଦେଶର ୧୨ଟି ସହର ସମେତ ଦେଶର ୩୩୪ଟି ସହରରେ ଏହି ପରୀକ୍ଷା କରାଯାଇଥିଲା। ଦ୍ୱିତୀୟ ଥର ଲାଗି ଏହି ପରୀକ୍ଷା ୧୩ଟି ଭାଷାରେ ଆୟୋଜିତ ହୋଇଥିଲା।