ଆଇପିଏଲର ଟିମ୍ ବିଡିଂ, ନୂଆ ଟିମ କିଣିବା ଦୌଡରେ ଆଗରେ ଅଛି ଜେଏସପିଏଲ

କଟକ (ବଡ଼ ଖବର ବ୍ୟୁରୋ): ଆଇପିଏଲର ନୂତନ ଟିମ୍ ବିଡିଂରେ ଅଛନ୍ତି ୨୦ ଟି ଫ୍ରାଞ୍ଚାଇଜ । ନୂଆ ଟିମ କିଣିବା ଦୌଡରେ ଆଗରେ ଅଛି ଜେଏସପିଏଲ । ନୂଆ ଟିମ ପାଇଁ କଟକ ହୋମ ଗ୍ରାଉଣ୍ଡ କରିବାକୁ ନିବେଦନ କରିଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା । ବାରବାଟିରେ ରହିଛି ସମସ୍ତ ସୁବିଧା । ଷ୍ଟାଡିୟମରେ ଦର୍ଶକଙ୍କ ପାଇଁ ଅଧିକ ସଂଖ୍ୟକ ସିଟ୍ ରହିଥିବା ବେଳେ ଭିଭିଆଇପି ପାଇଁ ରହିଛି ଅତ୍ୟାଧୁନିକ ଭିଭିଆଇପି ବକ୍ସ ।

ଏଥିପାଇଁ ନିଲାମଧରି କମ୍ପାନୀକୁ ସମସ୍ତ ସହଯୋଗ କରିବ ଓସିଏ । ସରକାରଙ୍କ ତରଫରୁ ମଧ୍ୟ ସମ୍ପୃକ୍ତ କମ୍ପାନୀଙ୍କୁ ସାହାଯ୍ୟ କରାଯିବ ବୋଲି କହିଛନ୍ତି ଓସିଏ ସମ୍ପାଦକ । କଟକକୁ ଭେନ୍ୟୁ କଲେ ଭଲ ରେଭିନ୍ୟୁ ପାଇ ପାରିବେ ଫ୍ରାଞ୍ଚାଇଜ। ଏହା ସହ ଓଡ଼ିଆ କ୍ରିକେଟରଙ୍କୁ ଆଇପିଏଲ ଖେଳିବା ପାଇଁ ଭଲ ସୁଯୋଗ ପାଇ ପାରିବେ ବୋଲି କହିଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା।