ନିଶା ବେପାରୀ ଘରୁ ୮ କେଜି ସୁନା ଜବତ

ଖଲ୍ଲିକୋଟ (ବଡ଼ ଖବର ବ୍ୟୁରୋ): ୪୦ ବର୍ଷର ନିଶା ବେପାରରୁ ଗଞ୍ଜାମ ଜିଲ୍ଲା ଖଲିକୋଟ ଥାନା ଖୋଜାପଲ୍ଲି ବଢ଼ଦାଣ୍ଡ ସାହିର ରଜନିକାନ୍ତ ପଟ୍ଟନାୟକ ରୋଜଗାର କରିଥିଲେ ୧୨ କୋଟି ଟଙ୍କାର ସମ୍ପତ୍ତି। ଏହାକୁ ପୋଲିସ ଜବତ କରିଛି।ଖଲ୍ଲିକୋଟ ପୁଲିସକୁ ମିଳିଛି ବଡ ସଫଳତା । ଗୁରୁବାର ବିଳମ୍ବିତ ରାତିରେ କୌଣସି ପ୍ରକାରେ ଖବର ପାଇଁ ଖଲ୍ଲିକୋଟ ଥାନା ଓ ଭେଜିପୁଟ ଫାଣ୍ଡି ପୁଲିସ ପକ୍ଷରୁ ଖଲ୍ଲିକୋଟ ଥାନା ଅଧିନ ଖୋଜାପାଲି ଗ୍ରାମର ବଡଦାଣ୍ଡ ସାହିରେ ରହୁଥିବା ରଜନୀକାନ୍ତ ପଟ୍ଟନାୟକଙ୍କ ବାସ ଭବନ ଉପରେ ଚଢ଼ାଉ କରିଥିଲେ ।

ରଜନୀକାନ୍ତ କନ୍ଧମାଳରୁ ଚୋରାରେ ଗଂଜେଇ ଆଣି ବ୍ୟବସାୟ କରୁଥିବା ବେଳେ ନିଜ ଗାଡ଼ି ଯୋଗେ ଗଂଜେଇକୁ ଚଲାଣ କରୁଥିବା ଖବର ପାଇ ଚଢ଼ାଉ ହୋଇଥିଲା । ଏହି ଚଢ଼ାଉବେଳେ ୩୪ କେଜି ଗଞ୍ଜେଇ,୧୦ କିଲୋଗ୍ରାମ ଅଫିମ, ୭୫ ଲକ୍ଷ ୯ ହଜାର ଟଙ୍କା ଓ ୮ କେଜି ୫୯୬ ଗ୍ରାମ ସୁନା ଜବତ ହୋଇଛି । ଏନେଇ ଆଜି ଖଲ୍ଲିକୋଟ ଥାନା ପରିସରରେ ଗଞ୍ଜାମ ଏସ୍ପି ସାମ୍ବାଦିକ ସମ୍ମିଳନୀ କରି ସମସ୍ତ ସୂଚନା ଦେଇଛନ୍ତି ।