ରାଷ୍ଟ୍ରପତିଙ୍କୁ ଭେଟି କୁସ୍ତିଯୋଦ୍ଧାଙ୍କ ପାଇଁ ନ୍ୟାୟ ମାଗିବେ ଖାପ ମହାପଞ୍ଚାୟତ ପ୍ରତିନିଧି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନ୍ୟାୟ ଦାବିରେ କୁସ୍ତିଯୋଦ୍ଧାଙ୍କ ଆନ୍ଦୋଳନ । ରାଜନେତାଙ୍କଠାରୁ ଆରମ୍ଭ କରି ଚାଷୀ ନେତା କୁସ୍ତିଯୋଦ୍ଧାଙ୍କୁ ନିଜର ସମର୍ଥନ ଜଣାଉଛନ୍ତି । ଏହା ଭିତରେ ଜୁନ ୧ରେ ଚାଷୀ ସଂଘ ବିକେୟୁ ଦିଲ୍ଲୀରେ ପହଁଚିଛି । କୁସ୍ତିଯୋଦ୍ଧାଙ୍କୁ ସମର୍ଥନ ଜଣାଇବା ସହ ଦେଶବ୍ୟାପୀ ଆନ୍ଦୋଳନ କରିବାକୁ ପ୍ରସ୍ତୁତ ହେଉଛି ଚାଷୀ ସଂଘ । ଆଜି କୁରୁକ୍ଷେତ୍ରରେ ମହାପଞ୍ଚାୟତ ଡକାଯାଇଥିବା ବେଳେ ଆଗାମୀ ରଣନୀତି ସମ୍ପର୍କରେ ଘୋଷଣା କରାଯିବ ।

କୁରୁକ୍ଷେତ୍ରରେ ମହାମେଳିରେ ଖାପ୍ ଚୌଧୁରୀ ସମିତି ଗଠନ କରାଯିବ । ସମିତି ସଦସ୍ୟ ରାଷ୍ଟ୍ରପତି ଓ କେନ୍ଦ୍ର ସରକାରଙ୍କୁ ଭେଟି ଆଲୋଚନା କରିବା ସହ ପୀଡ଼ିତାଙ୍କୁ ନ୍ୟାୟ ଦେବାକୁ ଅପିଲ କରିବେ । ଦେଶବ୍ୟାପୀ ବିକ୍ଷୋଭ କରାଯିବା ସହ ପୁଣି ଥରେ ଦିଲ୍ଲୀ ବର୍ଡର ସିଲ୍ କରାଯିବ ଚେତାବନୀ ଦେଇଛନ୍ତି ଚାଷୀନେତା ।