ଚୋରାବାଲି ବ୍ୟବସାୟକୁ କେନ୍ଦ୍ର କରି ବିଜେଡି ନେତାଙ୍କୁ ହତ୍ୟା
ଗଞ୍ଜାମ(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲାର ଧରାକୋଟ ଥାନା ଅନ୍ତର୍ଗତ ବରୀଗୁଡା ଗ୍ରାମର ବିଜେଡ଼ି ନେତା ଅନିଲ ମହାନ୍ତି ଓରଫ (କୋକ)ଙ୍କୁ ନିର୍ମମ ଭାବେ ଗୋଡ଼ାଇ ଗୋଡ଼ାଇ ହତ୍ୟା କରଯାଇଛି। ମୃତ ଅନିଲ ମହାନ୍ତି ସୋରଡ଼ା ବିଧାୟକଙ୍କ ଦୃଢ଼ ସମର୍ଥକ ବୋଲି ଚର୍ଚ୍ଚା ହେଉଛି। ଏହି ହତ୍ୟାକାଣ୍ଡ ବାଲି ବ୍ୟବସାୟ ଓ ପୂର୍ଵ ଶତ୍ରୁତାକୁ ନେଇ ହୋଇଥିବା ଚାର୍ଚ୍ଚା ହେଉଛି। ଅନିଲ ମହାନ୍ତି ନାମରେ ପୂର୍ବରୁ ଏକ ମାମଲା ଧରାକୋଟ ଥାନାରେ ରହିଛି।
ଗତ କାଲି ଆସିକା ବରଗାଁ ର ଗ୍ୟାଙ୍ଗ ଷ୍ଟାର ସୁନିଲ ନାହାକକୁ କୋଦଳା ଥାନା ଦାନପୁର ଗାଁ ରେ ଗୋଡ଼ାଇ ଗୋଡ଼ାଇ ହତ୍ୟା କରିଥିଲେ। ସୁନିଲ ହତ୍ୟାର ଚବିଶି ଘଣ୍ଟା ନପୁରୁଣୁ ପୁଣି ଧରାକୋଟ ଥାନା ଇଲାକାର ବରୀଗୁଡାରେ ଅନିଲ ମହାନ୍ତିକୁ ସମାନ ଢାଞ୍ଚାରେ ହତ୍ୟା କରାଯାଇଛି। ଏବେ ଗଞ୍ଜାମ ଅଶାନ୍ତ ଗୋଟେ ପରେ ଗୋଟେ ମୁଣ୍ଡ ଗଡୁଛି। ରୀତିମତ ମଦ ଓ ବାଲି ବ୍ୟବସାୟରେ ନେତା ଠାରୁ ଆରମ୍ଭ କରି ଅପରାଧିମାନେ ସମ୍ପୃକ୍ତ ଅଛନ୍ତି ବୋଲି ଖବର ପ୍ରକାଶ ପାଉଛି ।
ଏହି ଦୁଇ ବ୍ୟବସାୟରେ ପ୍ରଚୁର ଲାଭ ଥିବା ଯୋଗୁଁ ନେତା ଓ ମାଫିଆ ମାନେ ସକ୍ରିୟ ହୋଇ ବାହୁ ବଳରେ ମୁଠା ମୁଠା ଟଙ୍କା ଆଦାୟ କରି ଜଣେ ଜଣେ କୁବେର ହେବା ଫଳରେ ଶତ୍ରୁତା ବଢ଼ି ମୁଣ୍ଡ ଗଡୁଥିବା ଚର୍ଚ୍ଚା ହେଉଛି। ଗଞ୍ଜାମ ଜିଲ୍ଲାରେ ଏବେ ଆଇନଶୃଙ୍ଖଳା ନିୟନ୍ତ୍ରଣ ବହାରକୁ ଚାଲି ଯାଇଛି କହିଲେ ଅତ୍ୟୁକ୍ତି ହେବ ନାହିଁ। ଚୋରା ବାଲି ଓ ଚୋରା ମଦ ବ୍ୟବସାୟରେ ଲଗାମ ନ ଲାଗିଲେ ଗଞ୍ଜାମ ଜିଲ୍ଲା ଅଵସ୍ଥା ଆଗକୁ ପୁଣି ବିଗିଡ଼ିବାର ଯିବାର ସମ୍ଭାବନା ରହିଛି।