ସୁନ୍ଦରଗଡ଼ (ବଡ଼ ଖବର ବ୍ୟୁରୋ): ସୁନ୍ଦରଗଡ଼ ଜିଲ୍ଲା କୋଇଡା ଖଣି ମଣ୍ଡଳହ ୫ ନୂତନ ଖଣି ଉପରେ ପଡ଼ିଛି ସରକାରଙ୍କ ନଜର । ଏହି ଖଣି ଅଞ୍ଚଳ ଗୁଡିକ ସଂରକ୍ଷିତ ଜଙ୍ଗଲରେ ଥିବା ବେଳେ ଅନେକ ଗୁଡ଼ିଏ ଖଣିର ପାର୍ଶ୍ଵବର୍ତ୍ତି ଅଞ୍ଚଳ ଘଞ୍ଚଜଙ୍ଗଲରେ ପରିପୂର୍ଣ୍ଣ । ଏହି ଜଙ୍ଗଲ ଉପରେ ଏବେ ରାଜ୍ୟ ସରକାରଙ୍କ ନଜର ପଡିଛି ।
ବଣାଇ ବନଖଣ୍ଡର ବରସୁଆଁ ଏବଂ କୋଇଡା ବନାଞ୍ଚଳର ଖାଜୁରଢ଼ି , ମାଙ୍କଡନଚା , ସାରକୁଣ୍ଡା, ମେଣ୍ଢାମାରୁଣି, କାଠମାଳ ସଂରକ୍ଷିତ ଜଙ୍ଗଲ ଆଗାମୀ ପିଢି ପାଇଁ ଲୋପ ପାଇଯିବ । କୋଇଡ଼ା ଅଞ୍ଚଳ ମରୁଭୂମିରେ ପରିଣତ ହେବ । ବନ୍ୟଜନ୍ତୁ ଲୋପ ପାଇବେ । କୋଇଡା ଖଣି ମଣ୍ଡଳରେ ୪୦ରୁ ଅଧିକ ଖଣି ବନ୍ଦ ରହିଛି । ସେହି ବନ୍ଦ ଖଣିଗୁଡିକୁ ରାଜ୍ୟସରକାର ନ ଖୋଲି ନୂତନ ଖଣି ଖୋଳି ପରିବେଶ ପ୍ରତି ବିପଦ ସୃଷ୍ଟି କରିବାକୁ ଯାଉଛନ୍ତି ।
