ଆରମ୍ଭ ହେଲା ଇକୋ ରିଟ୍ରିଟ୍

କୋଣାର୍କ(ବଡ଼ ଖବର ବ୍ୟୁରୋ): ଚଳିତବର୍ଷ ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ଆରମ୍ଭ ହୋଇଛି ଇକୋ ରିଟ୍ରିଟ୍ ୨୦୨୦ । ଗତ ବର୍ଷର ଅଦ୍ଭୂତପୂର୍ବ ସଫଳତା ପରେ ଏ ବର୍ଷ ପୁରୀ-କୋଣାର୍କ ମେରାଇନ ଡ୍ରାଇଭ ନିକଟସ୍ଥ ରାମଚଣ୍ଡୀ ମୁହାଣ ପାଖରେ ଆରମ୍ଭ ହୋଇଛି ପ୍ରସ୍ତୁତି ପର୍ବ। ସମୁଦ୍ର କୂଳଲଙ୍ଘି ଜୁଆର ମାଡି ଆସୁଥିବାରୁ ସୁରକ୍ଷା ଦୃଷ୍ଟିରୁ ବାଲିବସ୍ତା ପକାଯାଇ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି। କୋଭିଡ ମହାମାରୀକୁ ଦୃଷ୍ଟିରେ ରଖି ଆୟୋଜିତ ହେଉଥିବା ଏହି କାର୍ଯ୍ୟକ୍ରମରେ ପର୍ଯ୍ୟଟନଙ୍କ ସୁରକ୍ଷା ଓ ସଂକ୍ରମଣ ଯେପରି ନବ୍ୟାପିବ ସେ ନେଇ ସୁନିଶ୍ଚିତ କରାଯିବ । ମାସ୍କ ,ସାନିଟାଇଜରର ବ୍ୟବହାର ସହିତ ସାମାଜିକ ଦୂରତା ରକ୍ଷା କରିବା ବାଧ୍ୟତାମୂଳକ କରାଯାଇଛି। ପର୍ଯ୍ୟଟକଙ୍କ ରହିବା ନିମନ୍ତେ ୫୦ଟି ଶୀତତାପ ନିୟନ୍ତ୍ରିତ କକ୍ଷର ଯୋଜନା ରହିଥିବା ବେଳେ, ଗୋଷ୍ଠୀ ସଂକ୍ରମଣକୁ ଦୃଷ୍ଟିରେ ରଖି ଏବର୍ଷ ସାଂସ୍କୃତିକ କାର୍ଯ୍ୟକ୍ରମ ହେବ କି ନାହିଁ ତାହା ସ୍ଥିର ହୋଇନାହିଁ ।