ଆନ୍ଧ୍ରର କୋଟିଆ ଦଖଲ ଉଦ୍ୟମ

କୋଟିଆ (ବଡ଼ ଖବର ବ୍ୟୁରୋ): କୋଟିଆ ଦଖଲ ପାଇଁ ବାହାରିଲେ ସାଲୁର ବିଧାୟକ । କୋରାପୁଟ ଜିଲ୍ଲା ପଟାଙ୍ଗି ବ୍ଲକର କୋଟିଆ ଗ୍ରାମପୁଞ୍ଜକୁ ଦଖଲ କରିବା ପାଇଁ ଅଣ୍ଟା ଭିଡିଛନ୍ତି ସାଲୁର ବିଧାୟକ ରାଜାନ୍ନା ଦୋରା ପିଡିକା । ଅଗଷ୍ଟ ୧୬ରେ ସେ ଯିବେ ଫଗୁଣସିନେରି ଓ ଫାଟୁସିନେରି । ବିଭିନ୍ନ ସରକାରୀ କାର୍ଯ୍ୟକ୍ରମର ସେଠାରେ ସେ କରିବେ ଶୁଭାରମ୍ଭ ।

ରାସ୍ତାକଡରେ ବୃକ୍ଷରୋପଣ, ପ୍ରାଥମିକ ସ୍କୁଲ, ଅଙ୍ଗନବାଡି କେନ୍ଦ୍ର ଓ କମ୍ୟୁନିଟି ସେଣ୍ଟର ଭୂମିପୂଜା କରିବେ ସାଲୁର ବିଧାୟକ । ଏହି କାର୍ଯ୍ୟକ୍ରମରେ ପାର୍ବତୀପୁରମ ପିଡି, ଉପଜିଲ୍ଲାପାଳ, ପୋଲିସ ଫୋର୍ସ ସହ ଯୋଗଦେବେ । ଅଗଷ୍ଟ ୧୫ରେ କୋଟିଆର ୨୨ଟି ଗାଁରେ ତେଲୁଗୁ ଭାଷାରେ ଫଳକ ମାରିବାକୁ ଆନ୍ଧ୍ର ଯୋଜନା କରିଛି । ତେଣେ କୋରାପୁଟ ଜିଲ୍ଲା ପ୍ରଶାସନ ହାତଯୋଡି ବସିଛି । କୋଟିଆରେ ୭୫ତମ ସ୍ୱାଧୀନତା ଦିବସ କୋରାପୁଟ ଜିଲ୍ଲା ପ୍ରଶାସନ ପକ୍ଷରୁ ପାଳନ କରାଯିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି ।