ବିନା ଶିକ୍ଷକରେ ଚାଲିଛି ପାଠପଢା

ବିଞ୍ଝାରପୁର(ବଡ଼ ଖବର ବ୍ୟୁରୋ): ଛାତ୍ର ଛାତ୍ରୀଙ୍କ ଭବିଷ୍ୟତ ସହ ଖେଳୁଛନ୍ତି ସରକାର । ଶିକ୍ଷକଙ୍କ ଅଭାବରୁ ପିଲାଙ୍କ ପାଠ ପଢା ବାଧାପ୍ରାପ୍ତ । ଏମିତି ଏକ ଅଭିଯୋଗ ଆସିଛି ଯାଜପୁର ଜିଲ୍ଲା ବିଞ୍ଝାରପୁର ବ୍ଲକ ଅନ୍ତର୍ଗତ ବ୍ରଜସୁନ୍ଦର ଉଚ୍ଚ ମାଧ୍ୟମିକ ବିଦ୍ୟାଳୟରୁ । ପିଲାଙ୍କ ଅଭିଯୋଗ ଅନୁଯାୟୀ ଦୀର୍ଘ ଦିନ ହେବ ଭୌତିକ ବିଜ୍ଞାନ ବିଭାଗରେ କୌଣସି ଶିକ୍ଷକ ନାହାଁନ୍ତି । ତେଣୁ ପିଲାଙ୍କ ପାଠ ପଢାରେ ବାଧା ସୃଷ୍ଟି ହୋଉଛି ।

ପିଲାମାନେ ବିନା ପାଠପଢ଼ାରେ କେମିତି ପରୀକ୍ଷା ଦେବେ ସେହି ଚିନ୍ତାରେ ଛାତ୍ରଛାତ୍ରୀ । ସରକାର କେବଳ ସ୍କୁଲ ଓ କଲେଜର ସୌନ୍ଦର୍ୟ୍ୟକରଣରେ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । କିନ୍ତୁ ଶିକ୍ଷକ ପଦବୀ ପୂରଣ କରିବାରେ ସରକାର ବିଫଳ । ଏହି କଲେଜରେ ବିଜ୍ଞାନ ବିଭାଗରେ ପାଖାପାଖି ୧୦୦ ପିଲା ପାଠ ପଢୁଥିବା ବେଳେ ଶିକ୍ଷକ ନଥିବା ଘଟଣା ଏକ ନିନ୍ଦନୀୟ କଥା ।