କରୋନା ପ୍ରସଙ୍ଗରେ ଛତିଶଗଡ-ଓଡ଼ିଶା ଆଲୋଚନା

ଛତିଶଗଡ (ବଡ଼ ଖବର ବ୍ୟୁରୋ): କରୋନା ସ୍ଥିତି ନେଇ ଛତିଶଗଡ ସହ ଆଲୋଚନା କରିବ ଓଡ଼ିଶା । ପଡୋଶୀ ରାଜ୍ୟରେ ବଢୁଥିବା ସଂକ୍ରମଣକୁ ନେଇ ସୀମାନ୍ତ ଜିଲ୍ଲାରେ ସମସ୍ୟା ଦେଖାଦେଇଛି । ନୂଆପଡା, ବରଗଡ ଓ ସୁନ୍ଦରଗଡ ଜିଲ୍ଲା ପାଇଁ ଚିନ୍ତା ବଢିବାରେ ଲାଗିଛି । ଛତିଶଗଡ ସୀମାକୁ ଲାଗିଥିବା ଜିଲ୍ଲା ଗୁଡିକରେ କରୋନା ବୃଦ୍ଧି ପାଇଛି । ତେବେ ଏନେଇ ଆଜି ଛତିଶଗଡ ପ୍ରଶାସନ ସହ ଓଡ଼ିଶା ପ୍ରଶାସନ ଆଲୋଚନା କରିବେ ।

ଦେଶରେ ମଧ୍ୟ କରୋନା ସ୍ଥିତି ଦିନକୁ ଦିନ ବିଗିଡିବାରେ ଲାଗିଛି । ଏବେ ଠାରୁ ସତର୍କ ନହେଲେ ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯାଇପାରେ । ପରିସ୍ଥିତିର ମୁକାବିଲା ଲାଗି କୋଭିଡ୍ ନିୟମକୁ କଡ଼ାକଡ଼ି ଭାବେ ଲାଗୁ କରିବା ପାଇଁ ରାଜ୍ୟମାନଙ୍କୁ କେନ୍ଦ୍ର ସରକାର ପରାମର୍ଶ ଦେଇଛନ୍ତି । ଟିକାକରଣ ପ୍ରକ୍ରିୟାକୁ ତ୍ବରାନ୍ବିତ କରିବା ସହିତ ନିୟମ ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ମଧ୍ୟ କହିଛନ୍ତି । ଲଗାତାର ୨୦ ଦିନ ଧରି ଦେଶରେ କରୋନା ସଂକ୍ରମଣ ମାମଲା ବଢ଼ିଚାଲିଛି।