ମିଳିଲାନି ମହୋକିଲୋଙ୍କୁ ଜାମିନ, ମାଜିଷ୍ଟ୍ରେଟେଙ୍କୁ ତାଲା
ଭୁବନେଶ୍ୱର (ବଡ଼ ଖବର ବ୍ୟୁରୋ): ମିଳିଲାନି ମହକିଲୋଙ୍କୁ ଜାମିନ । ମାଜିଷ୍ଟ୍ରେଟଙ୍କୁ ତାଲା ପକାଇଲେ ଓକିଲ । ଏସଡିଜେଏମ ଜାମିନ ଶୁଣାଣୀ କରି ଖାରଜ କରିଦେଇଥିଲେ । ଏଥିରେ ରାଗିଯାଇ ଓକିଲୋ ଏସଡିଜେଏମଙ୍କ କୋର୍ଟ ରୁମରେ ତାଲା ପକାଇ ଦେଇଥିଲେ । ଏଭଳି ଘଟଣା ଦେଖିବାକୁ ମିଳିଛି ଭୁବନେଶ୍ୱର କୋର୍ଟରେ ।
ଯାହାକୁ ନେଇ ଚର୍ଚ୍ଚା ସୃଷ୍ଟି ହୋଇଛି । ଏବଂ ସୋସିଆଲ ମିଡିଆରେ ଘୂରି ବୁଲୁଛି । ଜିଲ୍ଲା ଜର୍ଜଙ୍କ ହସ୍ତକ୍ଷେପ ଯୋଗୁଁ ଘଟଣାର ସମାଧାନ ହୋଇଛି । ସୂଚନା ଅନୁସାରେ ଯୌତୁକ ନିର୍ଯାତନା ଅଭିଯୋଗରେ ଜଣେ ଅଭିଯୁକ୍ତଙ୍କୁ ଗିରଫ କରି ପୋଲିସ କୋର୍ଟ ଚାଲଣ କରିବା ପରେ ସେ ଜେଲ ଯାଇଥିଲେ ।
ଯାହାର ଶୁଣଣୀ ଗୁରୁବାର ଥିଲା । ଅପରାହ୍ନ ୨ଟା ବେଳେ ମାମଲା ଶୁଣାଣୀ କରିବା ପରେ ଜାମିନ ଖାରଜ କରିଦେଇ ଥିଲେ ମାଜିଷ୍ଟ୍ରେଟ । ଯାହାକୁ ନେଇ ଓକିଲ ରାଗି ଯାଇଥିଲେ । ତାଙ୍କୁ ଚାମ୍ବରରେ ତାଲା ପକାଇବା ସହ ‘ଏସଡିଜେଏମ କୋର୍ଟ ଭୁବନେଶ୍ୱର ବୟକଟ’ ବୋଲି କାଗଜରେ ଲେଖି କବାଟରେ ମାରି ଦେଇଥିଲେ । ଏଭଳି ଘଟଣାକୁ ନେଇ ବହୁ ବରିଷ୍ଠ ଓକିଲ ନିନ୍ଦା କରିଛନ୍ତି ।