ପୁଣି ଫେରିଲା ଲକଡାଉନ

ମୁମ୍ବାଇ (ବଡ଼ ଖବର ବ୍ୟୁରୋ): ଦେଶରେ କରୋନା ସଂକ୍ରମଣ ପୁଣି ବଢିବାରେ ଲାଗିଛି । । ଦୈନିକ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବୃଦ୍ଧି ହେବାରେ ଲାଗିଛି । ଏହାକୁ ଆଖି ଆଗରେ ରଖି ମହାରାଷ୍ଟ୍ରରେ ପୁଣି ହୋଇଛି ଲକଡାଉନ । ଔରଙ୍ଗାବାଦ ସହରରେ ରାତି ୯ଟାରୁ ସକାଳ ୭ଟା ଯାଏଁ ଲକଡାଉନ ଲାଗୁ ହେବା ସହ ଶନିବାର ଓ ରବିବାର ସମ୍ପୂର୍ଣ୍ଣ ଲକଡାଉନ ରହିବ ।

ସୂଚନା ଅନୁସାରେ, ଏପ୍ରିଲ ମାସ ୪ ତାରିଖ ଯାଏଁ ଏହି ଲକଡାଉନ ରହିବ । କେବଳ ଜରୁରୀ ସେବା ଜାରି ରହିବା ସହିତ ଅନ୍ୟ ସବୁ ବନ୍ଦ ରହିବ । ସେହିପରି ଯଦି କିଏ ମାସ୍କ ନପିନ୍ଧନ୍ତି ତାଙ୍କଠାରୁ ଜରିମାନା ଆଦାୟ କରାଯିବ । ବର୍ତ୍ତମାନ ମାସ୍କ ନପିନ୍ଧିଲେ ୫୦୦ ଟଙ୍କା ଜରିମାନା ମଧ୍ୟ ନେଊଛନ୍ତି ସରକାର ।

ଦେଶର ମହାରାଷ୍ଟ୍ର ସହରରେ କରୋନା ଭାଇରସର ସଂକ୍ରମଣ ଦିକୁ ଦିନ ବଢିବାରେ ଲାଗିଛି । ଏବେବି ରାଜ୍ୟରେ ସଂକ୍ରମିତଙ୍କ ସଂଖ୍ୟା ୨୨ଲକ୍ଷ ୫୨ହଜାର ୫୭ରେ ପହଁଚି ଥିବାବେଳେ, ଗୋଟିଏ ଦିନରେ ୫୪ଜଣ ଆକ୍ରାନ୍ତ ଜୀବନ ହାରିଛନ୍ତି । ଅକ୍ଟୋବର ୮ରେ ସଂକ୍ରମଣ ହ୍ରାସ ହୋଇଥିବାବଳେ ପରେ ଏହା ବଢିବାରେ ଲାଗିଛି । ଗତକାଲି ୯,୯୧୩ ଜଣ ସୁସ୍ଥ ହୋଇଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୨୦,୯୯,୨୦୭ରେ ପହଁଚିଛି ।