ବିଧାନସଭା ମୌସୁମୀ ଅଧିବେଶନ, ଚତୁର୍ଥ ଦିନରେ ଗୃହ ସ୍ୱଭାବିକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଚତୁର୍ଥ ଦିନରେ ସ୍ୱଭାବିକ ଚାଲିଛି ଗୃହ । ୩ ଦିନ ହେଲା ଅଚଳାବସ୍ତା ଲାଗି ରହିଥିଲା । ବିଧାନସଭା ମୌସୁମୀ ଅଧିବେଶନର ଆଜି ଚତୁର୍ଥ ଦିନ । ଉଭୟ ବିରୋଧୀ ଶାସକ ନାରାବାଜି ଯୋଗୁଁ ୩ ଦିନ ହେଲା ମୁଲତବି ମୁଲତବିରେ ଚାଲିଥିଲା ଅଧିବେଶନ । ବାଚସ୍ପତି ପ୍ରମିଳା ସର୍ବଦଳୀୟ ବୈଠକ ଡାକି ଆଲୋଚନା କରିବା ପରେ ଚଳିତ ଅଧିବେଶନର ଚତୁର୍ଥ ଦିନରେ ଗୃହକାର୍ୟ୍ୟ ସ୍ୱାଭାବିକ ହୋଇଛି । ପ୍ରଶ୍ନକାଳରେ ବିଭିନ୍ନ ପ୍ରସଙ୍ଗରେ ଆଲୋଚନା ପରେ ଏବେ ଚାଲିଛି ଶୂନ୍ୟକାଳ । ଗୃହରେ କୃଷି, ଗଣଶିକ୍ଷା, ଉଚ୍ଚଶିକ୍ଷା, ପଶୁ ସମ୍ପଦ ଓ ଯୋଗାଣ ବିଭାଗ ଉପରେ ଆଲୋଚନା କରାଯାଇଛି । ଗତକାଲି ପ୍ରଶ୍ନକାଳ, ଶୂନ୍ୟକାଳ ଏବଂ ମୁଲତବି ଆଲୋଚନା ହୋଇପାରିନଥିଲା । ଗୃହ ନଚାଲିବାକୁ ନେଇ ମୁହାଁମୁହିଁ ହୋଇଥିଲେ ବିଜେଡି, ବିଜେପି ଓ କଂଗ୍ରେସ ।