ସାଇକେଲକୁ ପିଟିଲା ବାଇକ, ଜଣେମୃତ ଜଣେ ଆହତ
କଟକ(ବଡ଼ଖବର ବ୍ୟୁରୋ): କଟକ ଚାନ୍ଦବାଲି ରାସ୍ତାର ଆଳି ଆଇଟିଆଇ କଲେଜ ନିକଟରେ ଜଣେ ସାଇକେଲ ଆରୋହୀଙ୍କୁ ଧକ୍କାଦେଇ ବାଇକ ଚାଳକଙ୍କ ମୃତ୍ୟୁ ହୋଇଥିବା ଜଣାପଡିଛି । ସୂଚନାରୁ ପ୍ରକାଶ ଯେ ବଳଭଦ୍ରପୁର ଶାସନ ଗ୍ରାମର ଶିକ୍ଷକ ରମାକାନ୍ତ ମିଶ୍ର ମଧ୍ୟରାତ୍ରରେ ସାଇକେଲ ନେଇ ନିଆଳ ହାଟକୁ ଆସୁଥିବାବେଳେ କେନ୍ଦ୍ରପଡାରୁ ବାଇକ ନେଇ ଆଳିକୁ ଆସୁଥିବା ସେକ ରିଆସତ ତାଙ୍କୁ ପଛପଟୁ ଧକ୍କା ଦେଇଥିଲେ । ସେକ ରିଆସତ ଅବସ୍ଥା ଗୁରୁତର ଥିବାରୁ ଦମକଳ ବାହିନୀ ତାଙ୍କୁ ଆଳି ମେଡିକାଲରେ ଭର୍ତ୍ତି କରି କେନ୍ଦ୍ରାପଡ଼ା ମେଡିକାଲ ପଠାଇ ଦେଇଥିଲେ । ବାଟରେ ତାଙ୍କର ମୃତ୍ୟୁ ହୋଇଥିବା ବେଳେ ରମାକାନ୍ତ ମିଶ୍ର ଆଳି ମେଡିକାଲରେ ଚିକିତ୍ସିତ ହୋଇ ଘରକୁ ଫେରିଛନ୍ତି । କଟକ ଚାନ୍ଦବାଲି ରାସ୍ତାରେ ବାରମ୍ବାର ଦୁର୍ଘଟଣା ଘଟିବା ଏକ ଚିନ୍ତାର ବିଷୟ ପାଲଟିଛି ।