ଗହଣା ବ୍ୟବସାୟୀଙ୍କ ଠାରୁ ଲୁଟ୍

ବାଲେଶ୍ବର(ବଡ ଖବର ବ୍ୟୁରୋ) ଗହଣା ବ୍ୟବସାୟୀଙ୍କ ଠାରୁ ଅଳଙ୍କାର ଲୁଟିନେଲେ ଦୁର୍ବୃତ୍ତ । ବାଲେଶ୍ବର ସଦର ଥାନା ରସାଳପୁର ବଜାରରେ ଗହଣା ବ୍ୟବସାୟୀଙ୍କୁ ଆକ୍ରମଣ କରି ଦୁର୍ବୁର୍ତ୍ତମାନେ ଲକ୍ଷାଧିକ ଟଙ୍କାର ସୁନା ଓ ରୁପା ଅଳଙ୍କାର ଲୁଟି ନେଇଛନ୍ତି । ଗୁରୁବାର ରାତିରେ ଗହଣା ବ୍ୟବସାୟୀ ଲଷ୍ମୀଧର ରଣା ଦୋକାନ ବନ୍ଦ କରି ଫେରୁଥିବା ବେଳେ ୨ଟି ବାଇକରେ ୪ ଜଣ ଯୁବକ ଆସି କଟୁରୀରେ ତାଙ୍କ ବେକକୁ ଆକ୍ରମଣ କରି ବ୍ୟାଗ ଛଡାଇ ନେଇଥିଲେ । ତେବେ କସବା ଫାଣ୍ଡି ପାଖରେ ଏଭଳି ଘଟଣା ଘଟାଇ ଦୁର୍ବୁର୍ତ୍ତମାନେ ଖସି ପଳାଇବାରେ ସକ୍ଷମ ହୋଇଛନ୍ତି । ଅନ୍ୟପଟେ ସେହି ବ୍ୟାଗରେ ପାଖାପାଖି ୫୦୦ ଗ୍ରାମର ସୁନା,୧ କେଜି ରୁପା ଓ ନଗଦ ୩୦ ହଜାର ଟଙ୍କା ଥିବା ଅଭିଯୋଗ ହୋଇଛି । ଖବର ପାଇ କସବା ପୋଲିସ ଘଟଣାର ତଦନ୍ତ ଜାରି ରଖିଛି ।