ଡକାୟତି ଭିଡିଓ ଭାଇରାଲ: ଜଣେ ଗିରଫ

ସୁକିନ୍ଦା(ବଡ଼ ଖବର ବ୍ୟୁରୋ): ଡକାୟତି ଭିଡିଓ ଭାଇରାଲ ପରେ ଜଣେ ଗିରଫ । ଯାଜପୁର ଜିଲ୍ଲା ସୁକିନ୍ଦା ଡୁବୁରୀ ହାଟ ନିକଟର ଡକାୟତି ଭିଡିଓ ଭାଇରାଲ ହୋଇଥିଲା । ଏନେଇ କୌଣସି ଅଭିଯୋଗ ହୋଇନଥିଲା । ଭିଡିଓକୁ କେନ୍ଦ୍ରକରି କଳିଙ୍ଗ ନଗର ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଅନେକ ସ୍ଥାନରେ ଚଢାଉ ପରେ ଅଭିଯୁକ୍ତଙ୍କୁ ଜଙ୍ଗଲରୁ ଗିରଫ କରିଛି ପୋଲିସ ।

ଗିରଫ ଯୁବକ ଜଣଙ୍କ ହେଉଛନ୍ତି ଡୁବୁରୀ ମାଟିଆ ସାହିର ନୀଳମଣି ବେହେରାଙ୍କ ପୁଅ କ୍ରିଷ୍ଣା ବେହେରା । ତେବେ ଏହି ଘଟଣାରେ ଜଡିତ ଥିବା ଅନ୍ୟ ଅଭିଯୁକ୍ତଙ୍କୁ ଶିଘ୍ର ଗିରଫ କରାଯିବ ବୋଲି ଥାନା ଅଧିକାରୀ ସୁଶାନ୍ତ କୁମାର ଦାସ କହିଛନ୍ତି ।