ହଜି ଯାଇଥିବା ବା ଚୋରି ହୋଇଥିବା ମୋବାଇଲ ହୋଇପାରିବ ବ୍ଲକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସାଧାରଣତଃ ଅନେକ ଲୋକ ମୋବାଇଲ ହଜିବା ବା ଚୋରି ହେବା ପରେ ଅନେକ ଅସୁବିଧାର ସମ୍ମୁଖୀନ ହୋଇଥାନ୍ତି । ସାଇବର ଠକେଇର ମଧ୍ୟ ଶିକାର ହୋଇଥାନ୍ତି । ତେବେ ଏନେଇ ଓଡ଼ିଶା ପୋଲିସ ଏକ ବଡ ପଦକ୍ଷେପ ନେଇଛି । ଓଡ଼ିଶା ପୋଲିସ ଅରଗାନାଇଜେସନ ମୋବାଇଲ ବ୍ଲକ କରିବା ପାଇଁ ଏକ ଲିଙ୍କ ପ୍ରୋଭାଇଡ କରିଛି । ସେହି ଲିଙ୍କକୁ ଓଡ଼ିଶା ପୋଲିସ ଅରଗାନାଇଜେସନ ତା’ର ଫେସବୁକ ପେଜରେ ମଧ୍ୟ ସେୟାର କରିଛି । ଯେଉଁ ଲିଙ୍କ ମାଧ୍ୟମରେ ଆପଣ ହଜିଯାଇଥିବା ବା ଚୋରି ହୋଇଥିବା ମୋବାଇଲକୁ ବ୍ଲକ କରିପାରିବେ । ଆପଣ ceir.sancharsaathi.gov.in/Home/index.jps   ଲିଙ୍କରେ କ୍ଲିକ କରି ମୋବାଇଲକୁ ବ୍ଲକ୍ କରିପାରିବେ ।