ମାଲକାନାଗିରି (ବଡ଼ ଖବର ବ୍ୟୁରୋ): ପ୍ରଥମ ଦେଖା ପରେ ଗଢିଉଠିଥିଲା ସମ୍ପର୍କ । ସମ୍ପର୍କ ବଢିବଢି ପ୍ରେମରେ ହୋଇଥିଲା ରୂପାନ୍ତରିତ । ପ୍ରେମକୁ ଚିରଦିନ ଅମଳିନ ରଖିବା ପାଇଁ ପ୍ରେମୀଯୁଗଳ ବିବାହ ବନ୍ଧନରେ ହୋଇଥିଲେ ଆବଦ୍ଧ । ପ୍ରେମିକ ପ୍ରେମିକାରୁ ସେମାନେ ହୋଇଥିଲେ ସ୍ୱାମୀ-ସ୍ତ୍ରୀ ।
ଝୁଲନ୍ତା ଅବସ୍ଥାରେ ଯୁବକ ଯୁବତୀଙ୍କ ମୃତଦେହ ଉଦ୍ଧାର । ଏଭଳି ଦୃଶ୍ୟ ଦେଖିବାକୁ ମିଳିଛି ମାଲକାନାଗିରି ସଦର ମହକୁମା ଏମଭି ୪୨ ଗାଁରେ । ମୃତ ଯୁବକ ଜଣଙ୍କ ବିକି ସିକଦର ଓ ଯୁବତୀ ଜଣଙ୍କ ହେଉଛନ୍ତି ସରିତା ସିକଦର । ସ୍ଥାନୀୟ ଲୋକେ ମୃତଦେହ ଦେଖି ପୋଲିସକୁ ଖବର ଦେଇଥିଲେ । ପୋଲିସ ପଂହଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି । ପୋଲିସର ପ୍ରାଥମିକ ତଦନ୍ତ ଅନୁଯାୟୀ ଯୁବକ ଯୁବତୀ ମନ୍ଦିରରେ ପ୍ରେମ ବିବାହ କରିସାରିବା ପରେ ଏଭଳି କାଣ୍ଡ ଘଟାଇଛନ୍ତି । ଏହା ହତ୍ୟା କି ଆତ୍ମହତ୍ୟା ଜଣାପଡିନାହିଁ ।
