‘ମାଡ୍ରାସ ହାଇକୋର୍ଟଙ୍କ ରାୟ ଔଷଧ ଭଳି’

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମାଡ୍ରାସ ହାଇକୋର୍ଟଙ୍କ ମନ୍ତବ୍ୟ ଡାକ୍ତରଙ୍କ ଔଷଧ ଭଳି । ଔଷଧ ଖାଇଲେ ସୁସ୍ଥ ହେବ ନ ଖାଇଲେ ମରିବ । ମୁଖ୍ୟ ନିର୍ବାଚନ କମିଶନରଙ୍କୁ ଏଭଳି କଥା କହିଛନ୍ତି ସୁପ୍ରିମକୋର୍ଟ । ଦେଶରେ କରୋନାର ଦ୍ୱିତୀୟ ଲହରରେ ପ୍ରତିଦିନ ହଜାର ହଜାର ଲୋକ ଆକ୍ରାନ୍ତ ହେବା ଓ ଶହ ଶହ ଲୋକଙ୍କ ମୃତ୍ୟୁ ହେଉଛି । ଏଥିପାଇଁ ମାଡ୍ରାସ ହାଇକୋର୍ଟ ମୁଖ୍ୟ ନିର୍ବାଚନ କମିଶନରଙ୍କୁ ଦାୟୀ କରିଥିଲେ ।

କୋର୍ଟ କହିଥିଲେ ଇସିଆଇଙ୍କ ବିରୋଧରେ ହତ୍ୟା ମାମଲା ରୁଜୁ ହୋଇପାରେ । ମାଡ୍ରାସ ହାଇକୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ଇସିଆଇ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ନିର୍ବାଚନ ଆୟୋଗଙ୍କ ଆବେଦନ ଶୁଣାଣି କରି ସୁପ୍ରିମକୋର୍ଟ କହିଛନ୍ତି, ମାଡ୍ରାସ ହାଇକୋର୍ଟଙ୍କ ରାୟକୁ ଠିକ୍ ଭାବେ ଗ୍ରହଣ କରିବା ଉଚିତ୍।