ମାହାଙ୍ଗା ଡବଲ ମର୍ଡର: ବଢୁଛି ସସପେନ୍ସ

ମାହାଙ୍ଗା (ବଡ଼ ଖବର ବ୍ୟୁରୋ) ମାହାଙ୍ଗା ଡବଲ ମର୍ଡର ଘଟଣାକୁ ନେଇ ବଢୁଛି ସସପେନ୍ସ । ମର୍ଡରର ମୁଖ୍ୟ ଅଭିଯୁକ୍ତ କୁହାଯାଉଥିବା ପ୍ରଫୁଲ ବିଶ୍ୱାଳ(କାବୁଆ)ର ଗତକାଲି ଘଟିଥିଲା ମୃତ୍ୟୁ । ପୋଲିସ ଏହାକୁ ଦୁର୍ଘଟଣା ବୋଲି କହିଛି । ମାତ୍ର ଏହା ଦୁର୍ଘଟଣା ନୁହେଁ ବରଂ ହତ୍ୟା ବୋଲି ଯୁକ୍ତି ରଖିଛି ବିଜେପି । ଜିଲ୍ଲା ବିଜେପି ସଭାପତି ପ୍ରକାଶ ବେହେରା ପ୍ରଫୁଲ୍ଲର ମୃତ୍ୟୁକୁ ନେଇ ବିଭିନ୍ନ ପ୍ରଶ୍ନ ଉଠାଇଛନ୍ତି ।

ଯଦି ଅଭିଯୁକ୍ତର ମୁତ୍ୟୁ ଦୁର୍ଘଟଣାରେ ଘଟିଛି ତେବେ ତା’ର ବାଇକ , ହେଲମେଟ ଓ ମୋବାଇଲ ସୁରକ୍ଷିତ ରହିଲା କିପରି । ଅନ୍ୟପଟେ ପ୍ରଫୁଲ୍ଲର ମୃତ୍ୟୁକୁ ନେଇ ନିଜର ମତ ରଖିଛନ୍ତି ବିଜେପି ରାଜ୍ୟ ଉପସଭାପତି ନୟନ କିଶୋର ମହାନ୍ତି, ସାଲେପୁର ବ୍ଲକ ଅଧ୍ୟକ୍ଷା ମମତା ରାଉତ ଓ ବିଜେପି ନେତା ପୂର୍ଣ୍ଣଚନ୍ଦ୍ର ମହାପାତ୍ର ।