ଭାରତର ପୁରୁଷ ନଦୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରେ ନଦୀକୁ ମା’ କୁହାଯାଏ ହେଲେ ଭାରତରେ ଏମିତି ନଦୀ ଅଛି ଯାହାକୁ କୁହାଯାଏ ପୁରୁଷ ନଦୀ । ପୁରୁଷ ନଦୀ । କଥା ଟା ଶୁଣିଲେ କୌତୁହଳ ଲାଗିବା ସ୍ୱାଭାବିକ । କାରଣ ସାଧରଣତଃ ଭାରତୀୟ ସଂସ୍କୃତିରେ ନଦୀକୁ ସ୍ତ୍ରୀର ଆଖ୍ୟା ଦିଆଯାଇଛି । କିନ୍ତୁ ଭାରତରେ ଏଭଳି ଏକ ନଦୀ ରହିଛି ଯାହାକୁ ପୁରୁଷ ନଦୀ ଭାବେ ବିବେଚନା କରାଯାଏ । ହିନ୍ଦୁ ଧର୍ମଶାସ୍ତ୍ର ଅନୁଯାୟୀ ବ୍ରହ୍ମପୁତ୍ର ନଦୀକୁ କୌଣସି ଦେବୀ ରୂପେ ନୁହେଁ ବରଂ ଦେବତା ଭାବେ ବର୍ଣ୍ଣିତ ହୋଇଛନ୍ତି, ଯେଉଁଥିପାଇଁ ବ୍ରହ୍ମପୁତ୍ରକୁ ପୁରୁଷ ନଦୀର ଆଖ୍ୟା ଦିଆଯାଇଛି । ପୁରାଣ କୁହେ, ଏହି ନଦୀର ଜନ୍ମ ବ୍ରହ୍ମାଙ୍କ ବରଦାନରୁ ହୋଇଛି । ବୌଦ୍ଧ ଓ ଜୈନ ଧର୍ମରେ ମଧ୍ୟ ଏହି ନଦୀକୁ ପୂଜା କରାଯାଇଥାଏ । ବ୍ରହ୍ମପୁତ୍ର ନଦୀର ଉତ୍ପତ୍ତି ଉତ୍ତର ହିମାଳୟର ତିବ୍ବତ ଅନ୍ତର୍ଗତ ପୁରଙ୍ଗ ଜିଲ୍ଲାର ମାନସରୋବର ନିକଟରୁ ହୋଇଛି । ଭାରତରେ ଆସାମ, ହିମାଚଳ ପ୍ରଦେଶ, ଅରୁଣାଚଳ ପ୍ରଦେଶ ସହ ଦେଶ ବାହାରେ ବାଂଲାଦେଶକୁ ମଧ୍ୟ ଛୁଇଁଛି । ଭାରତର ଦ୍ୱିତୀୟ ବୃହତ ନଦୀ ହେଉଛି ବ୍ରହ୍ମପୁତ୍ର । ଯାହାର ଲମ୍ବା ପାଖାପାଖି ୨୭୦୦ କିମି ରହିଛି । ସନାତନ ଧର୍ମର ମାନ୍ୟତା ଅନୁସାରେ ଏହି ନଦୀରେ ସ୍ନାନ କରିବା ପରେ ପାଖରେ ଥିବା ବ୍ରହ୍ମାଙ୍କ ମନ୍ଦିର ଦର୍ଶନ କଲେ ବ୍ରହ୍ମ ଦୋଷ ଓ ଶାରୀରିକ ରୋଗରୁ ମୁକ୍ତି ମିଳିଥାଏ ।