ଆମର ସଂଗ୍ରାମ ବିଜେପିର ଚିନ୍ତାଧାରା ବିରୁଦ୍ଧରେ ହେବ: ରାହୁଲ ଗାନ୍ଧୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୨୦୨୪ ଲୋକସଭା ନିର୍ବାଚନ ପାଇଁ ବିରୋଧୀ ଦଳର ମୁଖ୍ୟ କିଏ ହେବ ସେ ନେଇ କଂଗ୍ରେସ ସଭାପତି ମଲ୍ଲିକାର୍ଜ୍ଜୁନ ଖଡଗେଙ୍କୁ ପ୍ରଶ୍ନ କରାଯାଇଥିଲା । ସେ ପ୍ରଶ୍ନର ଉତ୍ତର ଦେଇନଥିଲେ । କିନ୍ତୁ ଏବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିର୍ବାଚନକୁ ନେଇ ଖୋଲା ସଙ୍କେତ ଦେଇଛନ୍ତି । ସେ କହିଛନ୍ତି ରାହୁଲ ଗାନ୍ଧୀ ହେଉଛନ୍ତି ଆମର ପ୍ରିୟ ନେତା । ତେବେ ଏ ସମ୍ପର୍କରେ କୌଣସି ସରକାରୀ ଘୋଷଣା କରାଯାଇ ନାହିଁ।
ସେପଟେ ରାହୁଲ କହଛନ୍ତି ଏନଡିଏ ଏବଂ ଭାରତ, ମୋଦୀ ଏବଂ ଭାରତ, ତାଙ୍କ ଆଦର୍ଶ ଏବଂ ଭାରତ ମଧ୍ୟରେ ଲଢେଇ ହେଉଛି। ଆମେ ଜାଣୁ ଯିଏ ଭାରତ ବିରୁଦ୍ଧରେ ଛିଡା ହୁଏ, ତାର କ’ଣ ହୁଏ । କିଏ ଜିତେ । ସେ ଆହୁରି ମଧ୍ୟ କହିଛନ୍ତି ଆମେ ଏକ ଆକ୍ସନ ପ୍ଲାନ କରିବାକୁ ନିଷ୍ପତ୍ତି ନେଇଛୁ, ଯେଉଁଥିରେ ଆଦର୍ଶ ଏବଂ କାର୍ୟ୍ୟକ୍ରମ ଉପରେ ଆଲୋଚନା କରାଯିବ। ଆମର ସଂଗ୍ରାମ ବିଜେପିର ଆଦର୍ଶ ଏବଂ ସେମାନଙ୍କ ଚିନ୍ତାଧାରା ବିରୁଦ୍ଧରେ ହେବ ।