ଯେଉଁମାନେ ବାହାରକୁ ଯାଉଛନ୍ତି ସେମାନଙ୍କୁ ଦାଦନ କହିବା ଠିକ ନୁହେଁ: ସାରଦା ନାୟକ

ଭୁବନେଶ୍ୱର (ବଡ଼ ଖବର ବ୍ୟୁରୋ):ଦାଦନ ସମସ୍ୟାକୁ ନେଇ ନରସିଂହ ମିଶ୍ର ରାଜ୍ୟ ସରକାରଙ୍କୁ ଟାଗେର୍ଟ କରିବା ପରେ ଶ୍ରମମନ୍ତ୍ରୀ ସାରଦା ନାୟକ ତାଙ୍କର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେଉଁମାନେ ବାହାରକୁ କାର୍ଯ୍ୟ ପାଇଁ ଯାଉଛନ୍ତି ସେମାନଙ୍କୁ ଦାଦନ କହିବା ଠିକ ନୁହେଁ । ଯେଉଁମାନେ ବାହାରକୁ କାର୍ଯ୍ୟ ପାଇଁ ଯାଆନ୍ତି ସେମାନେ ସରକାରଙ୍କ ଅନୁମତି ପ୍ରାପ୍ତ । ଆମ ରାଜ୍ୟକୁ ମଧ୍ୟ ଅନ୍ୟ ରାଜ୍ୟର ଅନେକ ଶ୍ରମିକ ଶ୍ରେଣୀ ଲୋକେ ଆସି କାର୍ଯ୍ୟ କରୁଛନ୍ତି । ତେଣୁ ତାଙ୍କୁ କ’ଣ ଆମେ ଦାଦନ କହିବା, ତାହା କହିବା ସମ୍ପୂର୍ଣ୍ଣ ଭୁଲ କହିଛନ୍ତି ସାରଦା ନାୟକ । ବିଭାଗ ଏ ଦିଗରେ ସଚେତନ ଅଛି । ଅନେକ ସ୍କିମ୍ ମାଧ୍ୟମରେ ରାଜ୍ୟରେ ନିଯୁକ୍ତି ସୃଷ୍ଟି କରାଯାଇଥିବା କହିଛନ୍ତି ମନ୍ତ୍ରୀ ।