ଜଳେଶ୍ୱର(ବଡ଼ ଖବର ବ୍ୟୁରୋ):ବିଜେଡି ଟିକେଟ ଦୌଡରେ ମନ୍ମଥ ମିଶ୍ର । ଭୋଗରାଇ ନିର୍ବାଚନ ମଣ୍ଡଳୀରୁ ବିଜେଡି ଟିକେଟ ଦୌଡରେ ସାମିଲ ହୋଇଛନ୍ତି ମନ୍ମଥ ମିଶ୍ର । ବିଧାୟକ ଥିବା ଅନନ୍ତ ଦାସ ବୟସ ଅଧିକ କାରଣରୁ ଆସନ୍ତା ନିର୍ବାଚନରେ ପ୍ରାର୍ଥୀ ହେବାରୁ ବଂଚିତ ହୋଇପାରନ୍ତି ବୋଲି ଆଲୋଚନା ହେଉଛି । ବିଧାୟକଙ୍କ ପୁଅର କାର୍ଯ୍ୟ କଳାପକୁ ନେଇ ଦଳୀୟକର୍ମୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିବାରୁ ତାଙ୍କୁ ଟିକେଟ ମିଳିଲେ ଦୃଢ ବିରୋଧ କରାଯିବ ବୋଲି ଦଳୀୟ କର୍ମୀ ଆହ୍ୱାନ ଦେଇଛନ୍ତି ।
ସେପଟେ ନୂଆ ଚେହେରା ଓଡ଼ିଶାର ସୁନାମ ଧନ୍ୟ ଗୀତିକାର ଓ କଣ୍ଠଶିଳ୍ପୀ ମନ୍ମଥ ମିଶ୍ର ଭୋଗରାଇ ନିର୍ବାଚନ ମଣ୍ଡଳୀରେ ପାଦ ଥାପିବା ନେଇ ଦଳୀୟ କର୍ମୀ ମାନେ ଦୃଢ ସମର୍ଥନ ଦେବେ ବୋଲି ମତବ୍ୟକ୍ତ କରିଛନ୍ତି । ଭୋଗରାଇ ଲୋକଙ୍କ ଆଶୀର୍ବାଦ, ଯୁବ ବନ୍ଧୁଙ୍କ ଆମନ୍ତ୍ରଣ ଓ ଭଲପାଇବା ସହ ନବୀନ ପଟ୍ଟନାୟକଙ୍କ କାର୍ଯ୍ୟାଧାରାରେ ବିଶ୍ୱାସ ରଖି ବିଜେଡିରେ ୨୦୧୪ ମସିହାରୁ ଦଳରେ ଯୋଗ ଦେଇ ୨୦୨୪ ବିଧାନସଭା ଆସନ ପାଇଁ ଟିକେଟ ଦୌଡରେ ଭୋଗରାଇ ନିର୍ବାଚନ ମଣ୍ଡଳୀରେ ପ୍ରାର୍ଥୀ ହେବାକୁ ଇଛା ଅଛି ବୋଲି ଗୀତିକାର ମନ୍ମଥ ମିଶ୍ର କହିଛନ୍ତି ।
