ଧାମନଗର (ବଡ଼ ଖବର ବ୍ୟୁରୋ): ରାଜ୍ୟ ଠାରୁ ଆରମ୍ଭ କରି ମହିଳା ଓ ପ୍ରସୂତିମାନଙ୍କ ପାଇଁ ଯୋଜନା ପରେ ଯୋଜନା କରିଛନ୍ତି ହେଲେ ବାସ୍ତବରେ ତା କେତେଦୂର କାର୍ଯ୍ୟକାରି ହେଉଛି ତାହାର ଏକ ନଗ୍ନ ଚିତ୍ର ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧାମନଗର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଠାରୁ ମାତ୍ର ୨୦୦ ମିଟର ଦୂରରେ। ଧାମନଗର ଅଞ୍ଚଳର ଜଣେ ମହିଳା ଧାମନଗର ସହର ଜନଗହଳି ପୂର୍ଣ୍ଣ ରାସ୍ତା ବାଳିକା ଉଚ୍ଚ ବିଦ୍ୟାଳୟ ଆଗରେ ପିଲା ଜନ୍ମ କଲେ ।
ନିକଟରେ ଥିବା ଏକ ସତ୍ୟସାଇ କମ୍ପ୍ୟୁଟର ସେଣ୍ଟର କର୍ମଚାରୀ ଦେଖି ତୁରନ୍ତ ଦୌଡି ଆସି ମେଡିକାଲରେ ଜଣେଇବା ପରେ ଡିୟୁଟିରେ ଥିବା ନର୍ସ ନଜିବାକୁ ସିଧା ମନା କରିବା ସହ ନିଜେ ଷ୍ଟ୍ରେଚରେ ନେଇ ଆସ ବୋଲି କହିଥିଲେ ।ତେବେ କମ୍ପ୍ୟୁଟର ଇନଷ୍ଟିଚ୍ୟୁଟ କର୍ମଚାରୀ ଜଣକ ବିରକ୍ତି ହେବାରୁ ଜଣେ ସୁଇପର ଓ କମ୍ପ୍ୟୁଟର କର୍ମଚାରୀ ଷ୍ଟ୍ରେଚର ନେଇ ଆସିଥିଲେ ।ମେଡିକାଲରେ ନର୍ସ ଥାଇ ମଧ୍ୟ ନଆସି ଜଣେ ପୁରୁଷ କମ୍ପାଉଣ୍ଡରକୁ ପଠେଇଥିଲେ । ତେବେ କଣ ପାଇଁ ନର୍ସ ଘଟଣାସ୍ଥଳକୁ ଗଲେ ନାହିଁ ଏନେଇ ମେଡିକାଲ ଅଧିକାରୀଙ୍କ ପ୍ରତିକ୍ରିୟା ମିଳିପାରିନି ।
