ରିମାଣ୍ଡରେ ଯିବେ ଆକାଶ

ଭୁବନେଶ୍ୱର(ବଡ଼ ଖବର ବୁରୋ): ଟାଟା ମୋଟର୍ସର ନକଲି ଏମଡି ସାଜି କୋଟି କୋଟି ଟଙ୍କା ଠକେଇ କରିଥିବା ଆକାଶ ପାଠକଙ୍କୁ ଆଜିଠାରୁ ରିମାଣ୍ଡରେ ନେବ କ୍ରାଇମବ୍ରାଂଚ । ଏହି ମାମଲାରେ ଅଧିକ ଖୋଲତାଡ ପାଇଁ ଆକାଶଙ୍କୁ ୫ ଦିନ ରିମାଣ୍ଡରେ ନେବା ପାଇଁ ଭୁବନେଶ୍ୱର ଏସଡିଜେଏମ୍ କୋର୍ଟ ଅନୁମତି ପ୍ରଦାନ କରିଛନ୍ତି । ଝାରପଡା ଜେଲରୁ ଆକାଶଙ୍କୁ ବ୍ରାଇମବ୍ରାଂଚ ମୁଖ୍ୟାଳୟ ନିଆଯିବ । ଏହାପୂବରୁ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯିବ ବୋଲି ଜଣାପଡିଛି । ଏହାସହ ଆକାଶଙ୍କ ବ୍ୟକ୍ତିଗତ ସହାୟକ ଡେଭିଡ୍ ପିଟର ଓ ଆକାଶଙ୍କୁ ମୁହାଁମୁହିଁ ଜେରା କରାଯିବ । ଟାଟା ମୋଟର୍ସ ଠକେଇ ସଂକ୍ରାନ୍ତରେ ପିଟର ଯେଉଁ ଗୁରୁତ୍ୱପୂର୍ଣ୍ଣ ତଥ୍ୟ ଦେଇଛି ତାକୁ ନେଇ ଜେରା କରାଯିବ । ଠକେଇ ସଂକ୍ରାନ୍ତରେ ଅଧିକରୁ ଅଧିକ ପ୍ରମାଣ ସଂଗ୍ରହ କରିବ ତଦନ୍ତକାରୀ ଟିମ୍ । କ୍ରାଇମବ୍ରାଂଚ ପରେ କମିସନରେଟ ପୋଲିସ ଏହି ମାମଲାରେ ଆକାଶଙ୍କୁ ରିମାଣ୍ଡରେ ନେବ । ଅନ୍ୟପଟେ ଆକାଶଙ୍କ ଭାବି ଶ୍ୱଶୁର ତଥା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ମଧ୍ୟ ରିମାଣ୍ଡରେ ଆଣି କ୍ରାଇମବ୍ରାଂଚ ଜେରା କରିପାରେ ବୋଲି ଜଣାପଡିଛି ।