‘ୟୁପିରେ ଲାଗୁ ହେଉ ରଷ୍ଟ୍ରପତି ଶାସନ’

ଲକ୍ଷ୍ନୌ: ହଥରସର ହୃଦୟବିଦାରକ ଘଟଣା ପରେ ଉତ୍ତରପ୍ରଦେଶରେ ପୁଣି ଏକ ଗଣବଳାତ୍କାର ମାମଲା ସାମ୍ନାକୁ ଆସିଛି । ୟୁପି ବଳରାମପୁର ଅଞ୍ଚଳରେ ଜଣେ ୨୨ ବର୍ଷୀୟ ଦଳିତ ଯୁବତୀଙ୍କୁ ଦୁର୍ବୃତ୍ତମାନେ ବଳାତ୍କାର କରିଥିବା ଅଭିଯୋଗ ହୋଇଛି । ହଥରସ ଯୁବତୀଙ୍କ ମୃତଦେହକୁ ପୋଲିସ ରାତିଅଧିଆ ଜାଳିଦେବାକୁ ନେଇ ଦେଶରେ ଅସନ୍ତୋଷ ତୀବ୍ର ହେବାରେ ଲାଗିଛି । ଅନ୍ୟପଟେ ଏହାକୁ ନେଇ ରାଜନୈତିକ ବୟାନବାଜି ମଧ୍ୟ ଆରମ୍ଭ ହୋଇସାରିଛି ।
ରାଜ୍ୟରେ ଯୋଗୀ ସରକାର ନାରୀଙ୍କୁ ସୁରକ୍ଷା ଦେବାରେ ସମ୍ପୂର୍ଣ୍ଣ ବିଫଳ ହୋଇଛନ୍ତି ବୋଲି କହିଛନ୍ତି ବିଏସପି ମୁଖ୍ୟ ମାୟାବତୀ । ଯୋଗୀ ଶାସନରେ ଅପରାଧୀ, ଦୁର୍ବୃତ୍ତ, ମାଫିଆ ଖୁଲମଖୁଲା ବାହାରେ ବୁଲୁଛନ୍ତି ଓ ପୀଡ଼ିତାଙ୍କ ପରିବାରକୁ ସରକାର ପ୍ରଶ୍ନ କରୁଛନ୍ତି । ରାଜ୍ୟରେ ଆଇନଶୃଙ୍ଖଳା ସମ୍ପୂର୍ଣ୍ଣ ବିଗିଡ଼ିଯାଇଛି ଓ ଏବେ ରାଜ୍ୟରେ ରଷ୍ଟ୍ରପତି ଶାସନର ଆବଶ୍ୟକତା ପଡୁଛି । ଖୁବଶୀଘ୍ର ରାଜ୍ୟରେ ରଷ୍ଟ୍ରପତି ଶାସନ ଲାଗୁ କରାଯାଉ ବୋଲି ଦାବି କରିଛନ୍ତି ମାୟାବତୀ ।