ମୋତେ ଗୃହ ବନ୍ଦୀ କରାଯାଉଛି: ମେହବୁବା ମୁଫତୀ
ଶ୍ରାନଗର(ବଡ଼ ଖବର ବ୍ୟୁରୋ) : ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତୀ ଏକ ଅଭିଯୋଗ କରିଛନ୍ତି । ତାଙ୍କୁ ଗୃହବନ୍ଦୀ କରାଯାଇଛି । ଦଳର କାର୍ଯ୍ୟାଳୟକୁ ଯିବାବେଳେ ତାଙ୍କୁ ଗୃହବନ୍ଦୀ କରାଯାଇଥିବା ନେଇ ମୁଫତୀ କହିଛନ୍ତି ।
ସେ ଟ୍ୱିଟ୍ କରି କହିଛନ୍ତି ,ଭାରତ ସରକାର ଆଫଗାନୀସ୍ତାନର ଲୋକମାନଙ୍କ ପାଇଁ ଚିନ୍ତା ବ୍ୟକ୍ତ କରୁଛନ୍ତି କିନ୍ତୁ ଜାଣିଶୁୁଣି ତାଙ୍କୁ ସେହି ଅଧିକାରରୁ ବଞ୍ଚିତ କରାଯାଉଛି । କାଶ୍ମୀରର ସ୍ଥିତି ଠିକ୍ ନଥିବା ବାହନା ଦେଖାଇ କେନ୍ଦ୍ର ସରକାର ଜାଣିଶୁଣି ଏଭଳି କରୁଛନ୍ତି ବୋଲି ସେ କହିଛନ୍ତି । ସୂଚନା ଅନୁଯାୟୀ, ବିଚ୍ଛିନ୍ନତାବାଦୀ ନେତା ସୟଦ ଅଲୀ ଶାହା ଗିଲାନୀଙ୍କ ମୃତ୍ୟୁ ପରେ ଘାଟିରେ ସୁରକ୍ଷା ବ୍ୟବସ୍ତାକୁ ବଢାଇ ଦିଆଯାଇଛି । ମୁଫତୀ କହିଛନ୍ତି ଗିଲାନୀଙ୍କ ମୃତ୍ୟୁ ପରେ ମଧ୍ୟ ତାଙ୍କ ପରବାରକୁ ତାଙ୍କ ଅନ୍ତିମ ସଂସ୍କାର ପାଇଁ ଅନୁମତି ମିଳିନଥିଲା । ଯାହାକି ମାନବିକତା ବିରୋଧୀ ଅଟେ । ଏଥିପାଇଁ ଜାମ୍ମୁକାଶ୍ମୀରର ଜନସାଧାରଣ ମଧ୍ୟ ଦୁଃଖ ପ୍ରକାଶ କରିଥିଲେ ।