ଆଜିଠାରୁ ଅଯୋଧ୍ୟାକୁ ୮ଟି ସ୍ଥାନରୁ ଚାଲିବ ବିମାନ ସେବା

ଅଯୋଧ୍ୟା(ବଡ଼ ଖବର ବ୍ୟୁରୋ): ଆଜିଠାରୁ ଅଯୋଧ୍ୟାକୁ ଚାଲିବ ବିମାନ। ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା ପରେ ସାରା ଦେଶରୁ ଶ୍ରଦ୍ଧାଳୁଙ୍କ ଆଗମନ ଜାରି ରହିଛି । ତେବେ ଅଯୋଧ୍ୟାରେ ମନ୍ଦିର ପ୍ରତିଷ୍ଠା ପୂର୍ବରୁ ଅନ୍ତର୍ଜାତୀୟ ବିମାନ ବନ୍ଦର ମଧ୍ୟ ପ୍ରତିଷ୍ଠା ହୋଇସାରିଛି । ଏବେ ଏହି ବିମାନ ବନ୍ଦରରେ ଅଳ୍ପସଂଖ୍ୟକ ବିମାନ ରୁଟିନ ଉଡାଣ ସେବା ଯୋଗାଉଥିବା ବେଳେ ଏହିକ୍ରମରେ ଅଧିକ ବିମାନ ଯୋଡି ହେବାକୁ ଯାଉଛି ।

ଆଜିଠାରୁ ଅଯୋଧ୍ୟାକୁ ୮ଟି ସ୍ଥାନରୁ ଚାଲିବ ବିମାନ ସେବା । ନୂଆ ବିମାନ ସେବା ନେଇ ଘୋଷଣା କରିଛି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ । ଦିଲ୍ଲୀ, ଚେନ୍ନାଇ, ଅହମଦାବାଦ୍, ରାଜସ୍ଥାନର ଜୟପୁର, ପାଟନା, ଦରଭଙ୍ଗା ମୁମ୍ବାଇ ଓ ବେଙ୍ଗାଲୁରୁରୁ ଯାତ୍ରୀଙ୍କ ଲାଗି ବିମାନ ସେବା ଆରମ୍ଭ ହେବ।