୬୦ ଲକ୍ଷ ଟଙ୍କାର ବ୍ରାଉନସୁଗାର ଜବତ: ୪ ଗିରଫ

ଜଳେଶ୍ବର(ବଡ଼ ଖବର ବ୍ୟୁରୋ): ୬୦ ଲକ୍ଷ ଟଙ୍କାର ବ୍ରାଉନସୁଗାର ଜବତ । ୪ ଗିରଫ । ଜଳେଶ୍ବର ପୋଲିସ ଓ ଅବକାରୀ ବିଭାଗ ଦ୍ୱାରା ବ୍ରାଉନସୁଗାର ବେପାରୀଙ୍କ ଉପରେ ଚଢଉ । ଜଳେଶ୍ୱର ସହରରେ ଥିବା ଝାଡେଶ୍ୱର ପୁର ଏବଂ ରାଜପୁର ବସ୍ତିରେ ପୃଥକ ପୃଥକ ଭାବେ ଚଢଉ କରି ୫୬୦ ଗ୍ରାମର ବ୍ରାଉନସୁଗାର ଜବତ ହୋଇଥିବା ବେଳେ ୪ ଜଣ ବେପାରୀକୁ ମଧ୍ୟ ଗିରଫ କରାଯାଇଛି । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୬୦ ଲକ୍ଷ ଟଙ୍କାରୁ ଅଧିକ ହେବ ।

ତେବେ ଅବକାରୀ ହାତରେ ଧରାପଡି ୨୪୦ ଗ୍ରାମ ବ୍ରାଉନସୁଗାର ସହ ଗିରଫ ହୋଇଥିବା ବେପାରୀ ମୟୁରଭଞ୍ଜ କରଞ୍ଜିଆ ଅଞ୍ଚଳର ଅନୀଲ ମହାନ୍ତ । ସେହିପରି ପାଖାପାଖି ୩୨୦ ଗ୍ରାମ ବ୍ରାଉନସୁଗାର ଜଳେଶ୍ୱର ପୋଲିସ ଜବତ କରିବା ସହ ଗିରଫ କରିଥିବା ୩ ଜଣ ବେପାରୀ ହେଉଛନ୍ତି ଜଳେଶ୍ୱର ଝାଡେଶ୍ୱର ପୁର ବସ୍ତିର । ତେବେ ଏହି ବେପାରୀଙ୍କ ସହ ଜଳେଶ୍ୱର ପୋଲିସର ଭିତିରି ବୁଝାମଣା ରହିଥିବା ଫଳରେ ବେପାର ଓ ବେପାରୀଙ୍କ ଉପରେ ଯେତେ ଚଢଉ କଲେ ମଧ୍ୟ ଦିନକୁ ଦିନ ଜଳେଶ୍ବର ସହରରେ ବ୍ରାଉନସୁଗାର ବେପାରୀଙ୍କ ସଂଖ୍ୟା ବଢିବାରେ ଲାଗିଛି ।